US President Hlun Trump A Fale Pathum Cu Taza An Cuai Ko Cang Hna

American President hlun Trump a fale pathum hna cu lih ke hrokhrawl hmuh in taza an cuai cang hna.

American President hlun Trump a fale pathum hna cu an ngeihmi chawlehnak riantuannak pawl cu kherhhlainak an tuah hna tik ah New York Sihnechoh nih lih le hrokhrawl nak hmuh in September 21 ah tazacuai hna tiah theih asi.

Tazacuai hna ning cu Trump a fale pathum hna nih hin lih le hrokhrawl rumro in chawlehnak an tuah mi ah tangka cawinak le ngunkhuai a tkawmnak ding caah tiah inn le dum an ngeih mi pawl ninhcang lo piin an tuah tiah a cuai hna.

Kum 2011 in kum 2021 chungah Trump Organization nih tamtuk lih le hrokhrawlnak an tuah tiah tazacuaimak ah an telh. New York state Sihnechoh Letitia James nihcun Trump a fale pathum hna cu New Your state chung i zeibantuk chawlehnak poah ah lutlai a si lo ahcun Manager rian khinh bak lo ding in biacrihzung ahcun a chuahpi.

Nsin Trump Organization nihcun zei bantuk sualnak hlennak hmanh kan tuah lo tiah an el ve.Manhattan um New York Staye biacrih zung ah tszacuai mi Trump Organization company nih kum 2011 in kum 2022 tiangah zarhhnih chung a lutchuak mi phaisa cazin an tuahnak ah a diklo ning piin an tuah tiah tazacuai an si.

Nu Sihnechoh Letitia James cu Nes York i senior bik pakhat zong a si i hlennak ruangah a sunghmi zatuak in dollar 250 million cu ngah than ding a si tiah a chim.
Source: BBC, Reuters

Leave a Comment