Russia Mipi An Buai Cang- An President PuTin Vava A Tum Cang Ko

Putin cu Russia ralkap pawl nih an zaamtak thluahmah caah a lungdong tuk cang i a thar in hramhram in ralkap tuanter ding timi Upadithar a chuah ko cang. Mah upadi thar a chuah mi cu kan cohlang kho bak lo tiah Russia mipi nih sandah an piak hnawh i minung thonghra leng tlaih an tong.

Ukraine ah va kal in ral va tuk ding ah Russia ralkap Reserve caah ting3 nan auh hna lai tiah Putin nih nawl a chuah. Cucaah Russia ram hmunkip ah mah Putin nawl chuah cu kan duh bak lo tiah sandah an piah hnawh.

September 21 nikhat chung telawngah Sandah a piahtu tu tlaih a tong mi hna hi thongkhat renglo an si cang tiah social media ah a chuak. Sandah piahtu pawl nih hin Ukraine tuk kna duh lo. Ralkap hramhram in tuanter kan duh lo tiah an au hna lengah Putin kan herh lo,kan duh lo tiah fakpi in an au ko cang hna. Culawng si lo in Putin le Russia cozah pawl hna hi an fanupa lawng Ukraine ah va kuat hna uh, Tuanchung rammi fanu fapa pawl Ukraine ral ah va thih kan duh lo tiah hehcheh an au hna.

Russia cozah nih hin ramleng a chuaknak vanlawng Airtiket tiang hin let 20 tluk bak in a kai ter lengah Russia cozah nawlngeitu hna i lethmanh tel lo in pa poahpoah cu vanlawng cungah an kaiter duh hna lo tiah theih a si. Russia President Putin nih hramhram in ralkap a kan tuanter sual lai timi phan ruangah phaisa ngwi dwuh fapa hna cu khulrang in Armenia ram ah tam deuh cu an zam hna.Source-Tacheileihnews

Leave a Comment