President Mr. José Ramos-Horta – Zeiruangah UN nih Myanmar mipi Hi Ukraine Bantuk in Hriamnam nan Bawmh Ve Lo?

Zeiruang ah dah Myanmar ram mi pawl hi Ukhrqine bantuk in UN nih nan bawmh hna lo tiah East Timor ram president Mr. José Ramos-Horta nih nizan UN meeting pi ah ram hruaitu pawl a hal ko cang hna.

Myanmar rammi pawl hi ramleng nih philh an tong tiah ka ruah. A ruang cu Vawlei cung pi nih Ukraine cu nihin chanthar hriamnam pawl thilril pawl tampi an bawmh i hartong ralzam pawl zong bawmhnak hehchet tiah pek an si. A si nain zeiruang ah dah Myanmar rammi pawl hi kan philh hna. UKraine bantuk in bawmhnak kan pek hna lo tiah ramkip lutlai pawl cu biahalnak a tuah hna? Nain Myanmar mipi pawl nih cun an ram caah pehzulh in ralhrang an doh cuahmah thiam ko tiah a chim.

Myanmar ram ah a cang mi buaibainak hi innpa ram a simi hna humhimbak ca zongah a hnuarsuan kho hna i a tunak in a zualhma kho tiah September 23 UN meeting ah president Mr. José Ramos-Horta nih a chim.

Ukraine ralthawh nak ah siseh Myanmar ram ralthawh nak hi siseh vawleicung ram ah a cang mi ralthawhnak poah hi UN nih a tawlrel awk hrimhrim a si tiah a chimchap.

President Mr. José Ramos-Horta hi Aung San Suu Kyi bantuk in Nobel laksawng a rak ngah mi a si. A tutan UN a voi 77 nak meeting ah Russia nih Ukraine ral a tuk mi cu vawleicung ramkip nih an mawtchiat i sual an puh. Kawlram kong biatak tein a chimtu hna cu Malaysia le East Timor ram hi an si.

UN Council chungtel hlun lutlqi pawl nih an dirh mi SAC-M zong nih Myanmar hi zeiruangah dah Ukraine bantuk in nan bawm lo tiah biahal awk a um! UN nih siswh Asean chungtel zong nih fakpi in a phichuak lak in Myanmar ram hi nan tawlrel ding a si cang tiah forhfialnak a tuletu an rak tial i an rak chim peng.

Leave a Comment