PLA ralkap nih China President Xi Jinping an tlaih i Thong an thlak

China ralkap pawl nih President Xi Jinping cu a inn ah thongan thlak tiah thawngpang a chuak. Nain mah thawngpang cu fehter khawh ngaingai a si rih lo tiah theih a si.

Mah thawngpang nih China ram pi cu a hninh ko cang. China media pawl nih an fehter khawh rih lo nain People’s Liberation Army (PLA) nih President Xi Jinping cu inn thong an thlak nak kong cu China rammi tampi nih Twitter ah an thlah len.

China biaceihzung pakhat nih China irunvennak he aa pehtlaih mi lutlai pakhat cu thihhlan lo chung thongthlak ding biachahnak an tuah hnu ah a tu bantuk in President Xi Jinping inn thong an thlak timi thawngpang a chuah hi a si. Biaceih zung nih thihhlan lo chung thongthlak mi cu President Xi Jinping nih ka zuam cawh kho hlahseh tiah a tuah minsi dawh a si tiah an langhter.

Mah I runvennak lei lutlai thihhlan lo thongthlak ding biachah mi pa cu Sun Lijun tina si i amah pumpak in ramkhel lei pakhat a dirhtu a si ve.Sun Lijun hi a ramkhelnak ah aa tel ve tiah ruahdamh mi biaceihzung bawi hlun Fu Zhenghua zong cu September 22 ah khan thihhlanlo thongthlak ding in dantatnak an rak tuah ve.

Culawng si lo in tuzarh chung hrimhrim ah Peng Polik pathum hna zong cu biaceih zung nih thihdan an rak pek hna.Mah polik pathum hna zong cu Sun Lijun a ramkhelnak ah an i tel ve tiah sualpuh mi an si ve.

Fu Zhenghua le polik pathum hna zong cu President Xi Jinping nih zumhtlak lo nan si tiah sual a rak puh hna tiah theih a si.President Xi Jinping inn thong an thlak timinkong he pehpah in American ah khuasa mi China nuhrin covo kong cawlcanghtu Jennifer Zeng nih ah Twitter ah Video pakhat a chiah i PLA ralkap pawl Beijing lei ah an kal cang tiah a chim.

Chinese Communist Party President Xi Jinping cu PLA hrauitu in an chuah i amah umnak inn ah inn thong an thlak tiah biachawkvai a leng tiin Jenefer Zwng nih a Teitter ah a tial ve.

American ram ah Khuasa China catial thiam pa Saya Gordon Chang zong nih a twitter agh Bidwo pakhat a thlah i China lutlai cheukhat an tlaih hna i ramchung vanlawng 59 % an dirh ter hna i ralkap pawl Beijing lei hoih in an kal hna tiah a ti ve. Biachawkvai a si le si lo fehter khawh a si rih lo mi thawngpang ning ah PLA in Bochohkyi Li Qiaoming nih a tulio President Xi Jinping a rian cu a chawng lai tiah a chuak.Source: HW News

Leave a Comment

error: Content is protected !!