US Thimnak Ah Teinak Hmutu Dr. Hre Mang Hmurka

[ad_1]


Pathian hmin thangthat si koseh.

Indiana um Chin unau le hmunton ihsin supporttu pawl, Mizan election th ah Kan zaten thazang kan ngah cio ding ka zum.

Tuitum hril awknak ah Pathian in Chin miphun in umpizia a langter tiah ka ruat. Mikhual kan si nawn lo, citizen kan si zo. Tuanvo latu, school, city and state, federal govt. ah siseh kan ram, kan school, kan govt. , kan community, kanmai tuanvo asi ti fiangten kan theihcia mi a takin kan tel ve thei thlang.

Democracy ram asi vekin zapi ten citizen hmuahhmuah vote kan thla thei zo. Pathian nan duhdawt, miphun nan duhdawt ih kei tla in duhdawt in rinsanmi ka hmuh tikah ka lungwi, thazang ka ngah zet. Duhdawtnak leiba ka lo sam thei lo ding nan Pathian in nan duhdawtnak nan langtermi a letza in lo thlawsuah sinsin hram she.

Chin mi zapi ten lungrual ten kan cangvai, kan tangtlang tikah hmailam hrang ruahsannak tampi a suahter.

Kum upa, nulepa, thalai, mino, student pawl kan zapi ten kan tel cio. Business owner pawlin sumpai an thawh, rawl tla an thawh, lamzin a phunphun in kan tang tlang.

Kan ram harsatnak ruangah leitlun hmun tin ah kan tek darh aw nan, kan thlennak kipah Pahtian tihzah in Pathian duhmi thupi bik ah kan ret ringring pei ih, zumtu unau, phunpi, community ah tang tlang in kan umnak ram hrangah thiltha suahpitu si thei vivo dingin Pathian hnenah thlaza cam phah in kan tang tlang vivo pei uh.

Pathian in Israel saltang pawl hennah hitin a sim, “Thawngtla in ka lo fehternak khawpi ih ṭhatnak hrangah hnaṭuan uh. Ka hnenah an hrangah thlacam sak uh. Ziangahtile an ṭhangso ih mi neinung an si ahcun nannih khal mi neinung nan si ve ding.” (Jeremiah 29:7).

Thla kan cam sinsin pei uh. Kan Chin miphun Pathian cu leitlun uktu hmuahhmuah tlunah siseh sersiammi ziangkim tlunah thuneitu, uktu asi.

“Cungnungbik Pathian in minung ih ram uknak tlunah thu a nei ih cuih ram uknak cu a duhmi hnenah a pek, leitlun mi nauta bik hnen khalah a pek thei a si, a ti.” (Daniel 4:17b).

Miphun dang hrangah thil fate si hman sehla kannih mivai thar Chin mi pawl hrangah Pathian in in umpinak kan sunlawih zet ih kan lungawizia Pathian in a thei. A letza in hmailam ah kan miphun Pathian in thiltha tampi a tuahmi in hmuhter sinsin ding zumnak thawn lungawithu sim in thlacam sinsin uhsi.

Pathian in lo thlawsuah sinsin cio hram seh. Thlacamnak thawn Pathian hmin sunlawinak hrangah kan umnak cio ah “leitlun eng” le “cite” si cio dingin Pathian in lo thlawsuah cio hram seh.

God bless you all

Pastor Hre Mang

[ad_2]

Source link

Leave a Comment

error: Content is protected !!