US Caan Karlak Thimnak Ah Biatak Tein Donald Trump A Cawlcang

[ad_1]


Caan Karlak US Thimnak [Midterm Election]: Thaizing ah US ah caan karlak thimnak tuah a si cang lai. Senate le House Representatives thim an si  lai. Senate ah thutdan 35 a lawngmi ah thimnak an tuah lai. House cu kum 2 lawng an term an si caah an zapi palai 435 ning in thim an si lai. President Biden kum 2 chung a riantuannak referendum tuahnak zong a si i, Biden nih zeitluk in a riantuannak performance a that le that lo kha mipi nih cuai an tlai cang lei. Zeitluk in mipi nih an duhnak le duh lonak kha an thimfung in an langhter cang lai.

Senate palai cu kum 6 an term a si caah tutan thimnak ah thutdan 35 a lawngmi ah thimfung thlak a si lai. Tulio ah Senate ah Democrats 50 le Republican 50 an um. Vote an i tluk caan ah Vice President Harris vote in biakhiahnak an tuah caah Democrats nih tei zungzal a si. House zong hi thutdan 435 chungah democrats nih thutdan 220 an laak i, Republcian nih 212 lawng thutdan an ngeih caah Democrats cu Majority an si i, House Speaker zong anmah nih an laak. Cucaah tulio dirhmun ahcun White House, Senate le House ningpi in democrats nih tawh an tlaih lio a si.

Asinain thaizing thimnak ahcun White House dah ti lo cu Republican party nih an dirhmun a khupthal an leh lai tiah zumh a si. Liberal Mean Stream media hmanh nih Democrats an sung lai tiah an chim chung. Conservative media cheukhat nih cun Red Wave timi Republican tilet nih tutan thimnak cu a fenh dih lai tiah an chim.

Tutan thimnak ah House hi cu Republican nih thutdan 223 tiang an muh khawh lai tiah zumh a si.  House thimnak kong cu media pawl nih a chim hmanh an zuam lem lo, Republican party nih tei cia bantuk ah an ruah. Asinain Senate ah hin hodah a thawng deuh lai timi hi biapi bik in conh ciomi a si. Senate thutdan a lawngmi 35 chungah a linsa bikmi thimnak cu Arizona, Nevada, Ohio, Georgia, le Pennsylvanian hna an si. Mah hmun 6 ah a teimi nih Senate ah majority an si lai, Opinion poll ning in Republican nih an tei ahcun President Biden cu a kut le a ke  an ttem lai i, cawl kho loin Republican nih an hrilh cang lai.

President Biden chan ah  kum 40 chungah infalation a kai bik caan a si. Crime sualnak tam tuk a karh, ramri border hi an ven duh lo caah Biden kum 2  a tuan chungah remri in minung 2.5 million an lut. Asinain Biden kum 2 chung President a tuan chungah 2021 ah refugees 30000 le 2022 ah refugees 25465 lawng a laak hna. A laakmi hi Ukraine le Afghanistan an tam bik a si an ti.

Biden riantuaning US mipi an lungtlin lo caah kan sung lai ti cu democrats pawl nih an phan cia caah Biden, Obama, Hilary Clinton le  Kamala Harris nih biatak tein election campaign an tuah piak hna. Democrats candidate cheukhat nih cun Biden election Campaign tuah piak hmanh an duh lo, a kan sunghpi chin lai tiah an ruah ti a si. Cucaah President Biden cu Pensylevnia dah ti lo, battle ground ah Election Campaign a tuah lo.

Tutan thimnak ah President Donald Trump biatak tein a cawl i, Republican candidate hna caah campaign biatak tein a tuah.  Republican candidate an dihlak i 80% renglo cu Trump nih endorsement tuah ruangah candidat a cang khomi an si.  Mah hna nih teinak an co ahcun President Trump nih 2024 ah thimnak ka cuh than lai tiah thawng a thanh colh te lai.

Vawleicung mirum bik Elon Musk nih thimnak ah Senate le House a cuhmi Republican paoh vote thlak cio ding in tuchun ah a chim. Atu tiang opinion poll an tuahmi ahcun Senate zong Republican nih an tei lai tiah an zumh. Senate thutdan 100 chungah 53 tiang an laak khawh lai tiah zumh a si.

President Biden nih kum 2 chung president a tuan chungah US caah thatnak a tuahmi nak in US tlakchiatnak a tam deuh ti a si. Afghanistan ram ah US ralkap an mualpho. Ukraine le Russia raltuk nak Biden nih a kham kho lo. Kum 40 chungah US phaisa man ngei lio bik caan a phan. Crime a karh tukmi le ramri an bauh mi nih tutan thimnak cu President Biden caah sunghnak nganpi chuahpi dawh a si.

Vote rak thla cio uh, kum 2 chung nan temtuarnak in nan luat khawhnak dingah Republican thimfung thla cio usih. Credit Salai Lairamthang

[ad_2]

Source link

Leave a Comment

error: Content is protected !!