UN A Holh Cang, Min Aung Hlaing A Cei Taktak Cang Lai

[ad_1]


UN a holh cang Min Aung Hlaing a cei taktak cang lai. Mipi thinlung a fak tuk cio

Nizan October 23,2022 ah KIO kum 62 tlinnak tuah ding in Kachin ramkulh Phakanh pawng ah Kachin mipi le KIA hna puai an tuah lio ah zan suimilam 8:40 hrawng ah khan ralhrang Jet fighter pathum nih bomb a thlak hnawh hna i tu zanlei tiang ah minung 80 an thi cang tiah an chim.

Hliamtuar mi 100 leng an si. Hliamtuar mi hna zong hi sizung kalnak lam ralhranh nih an kham caah a thimi an tam rih kho tiah an chim.

Mahhi kong ah KIO lei upa chimnak ahcun ralhrang nih mipi an tam lio kha cantha ah la in bomb a rak thlak mi a si ko tiah an chim.

A thimi lak ahhin KIA bawi pawl zong an i tel. Ngakchia le Kachin hlasak thiam pawl zong an i tel tiah an chim.

Mahhi kong ah UN nihcun Kawl ralhrang thil tuah hi kan zoh sawhsawh lai lo. Tha tein kan hlat cuahmah ko hna. Hliamtuar mi hna zong sizung ah thlopnak nawl pe hna uh tiah cathanh an chuah. Ralhrang nih an tuah mi thil hi anmah nih tuanvo an lak lai tiah UN nihcun an chim.

Mah bantuk in raktuknak hmun a si lomi puai tuahnak ah ralhranh bomb a rak thlak mi hi timh ciamman tein mipi tampi thi hna seh tiah a tuah mi a si ko. Kan ngaihchia kan lungfak tiah KIO in chimnak nawl ngeitu Naw Bu nihcun RFA ah a chim.

Mahhi kong ah Kawl ralhrang lei nih zei hmamh a tu tiang an chimmi le an thanh mi a um rih lo.

A tu zong Kachin ramkulh lei ah kahnak a fak cuahmah. Kawl ralhrang le Helicopter le Jet fighter an hman cuahmah ko rih hna.

 

[ad_2]

Source link

Leave a Comment

error: Content is protected !!