Uico Min Aung Hlaing Ralhrang Nih Kachin Mipi A Thah Ning Hna A Fak Tuk Ee

[ad_1]


Uico Min Aung Hlaing ralhrang nih kan unau Kachin miphun a thah ning hna cu a fak tuk ee.

October 23,2022 zan ah khan Kachin ramkulh Phakanh ah KIO kum 63 tlinnak hlasak puai an tuah lio ah Kawl uico ralhrang Jet fighter pathum bak nih bomb an thlak hnawh hna i nihin October 24,2022 zanlei tiang ah a thimi minung 50 leng ruak an char cang hna.

Zahan zan suimilam 8:40 hrawng ah khan puai an tuah lio i mipi an i nuamh lio bak ah Kawl ralhrang Jet fighter nih an kah hna hi a si.

Hliamtuar mi an tamtuk rih caah a thimi zat hi ai chap khomi a si. Hliamtuar mi hna cu a tu sizung ah an thlopbul cuahmah lio hna a si.

Kachin mipi a thimi lak ahhin KIA zong an i tel, Kachin ramchung minthang hlasak thiam pawl, Keyta tum thiam le ngakchia zong an i tel tiah theih a si.

Mah bantuk puai tuah lio can ah bomb thlak hi ralhrang nih timh ciamman tein a tuah mi a si. Mipi hrimhrim that dih hna ning ti kha ai timh bak mi cu a si ko.

Raltuknak zong a um lomi ah mah bantuk puai tuah lio ah bomb thlak hnawh hi a sual taktak mi thil tuah a si i cohlan khawh dingmi a si lo.

Kan unau Kachin mipi cu vansang au in an um lio a si. Lungrethei in an um lio a si. A tu zong Kachin ramkulh hmun tampi ah kahnak a chuak cuahmah.

Min Aung Hlaing ralhrang nihhin mipi ralkap hi raltuknak in a kan tei ti lo caah ngaihthlem bak in puai tuah lio ti bantuk ah mah bantuk bomb thlak hi ai timh mi a si cang. Cu ruang ah ralring tein kan um a hau cang.

Kachin mipi thin mei bang a alh cang. KIA le PDF nih Kawl ralhrang zeitindah an lehrulh hna lai. An lehrulh ning hna a fak tuk te lai. An mah ralhrang zong an tuar taktak ve te lai.

 

[ad_2]

Source link

Leave a Comment

error: Content is protected !!