Ralhrang Timh Cia In An Um, Mipi Ralrin Taktak A Hau Cang

[ad_1]


Ralhrang nih Vanlong in Camp Victoria kah an timh caah pawngkam mi ralrin taktak kan hau

Kawl ralhrang nih ai bochan mi cu mipi le hriamtlai hmun khat an um lio ah Jet fighter hmang in bomb in kah kha a si cang. Ke raltuk in cun mipi ralkap a kan tei kho ti lo.

Kan hnu lei ah khan Kawl ralhrang vanlong mi ngiatu Vanzang Tlang ah ai hel. Camp victoria vialte hman a thlan i video a lak dih. Khoika zawn ah dah bomb kan thlak lai timi zong timhtuahnak an ngei dih cang. An suai dih cang.

A sinain Kawl ralhrang luban pawl a thli tein mipi lei ah a tang mi hna nih NUG le CNF upa hna sinah an rak phuan. Thawngpang an pek hna. Cu caah a hlankan in kan rak theih chung khawhnak a si.

Ralhrang luban pawl zeimaw CDM tuah a duh ko nain a thli tein NUG lei ah a tang mi pawl nih ralhrang cawlcanghnak le timhtuahnak cu a thli tein an phuan lengmang. Media sin hna ah an chim tawn.

Kan hnu zong ah khan CNF camp lak ding in ralhrang Motor 100 leng bak Kawl lei in Hakha lei an rak panh. Cu zong cu NUG le CNF upa hna nih a hlankan in an rak theih chung cang.

Kawl ralhrang nih Camp Victoria bak hi Jet fighter in kah an timh timi cu a fiang cang. Cu pinah Timit hlei an donh cang caah ralhrang Motor tampi Thantlang lei ah an kal than te lai timi hi a fiang ngai mi a si than. Cung he tang he kah an timh.

Zumhnak ahcun Camp Victoria hi ralhrang pawl nihhin Sweet December zan hrawng ah khin an kah te lai tiah zumh a um. A ruang cu mah zan ah khin mipi tampi an i bu te lai tiah an ruah lai. Mipi tampi i but lio bak ah an i sel mi zong a si.

Cu caah Sweet december zan hi Camp Victoria lawng si loin Vanzang Tlang khua pawl ah tuah lo ding zong a biapi ngaimi a si. Ralhrang tein um kan hau hna. Pathian sinah fak piin thlacam cio hna usih.

 

[ad_2]

Source link

Leave a Comment

error: Content is protected !!