Ralhrang Nih Timit Hlei An Lim Cang, Thantlang Peng Ah Ralhrang An Khat Cang Lai

[ad_1]


Timit hlei an donh khawh cang caah Thantlang peng ah ralhrang an khat colh cang lai

Kawl ralhrang pawl nih Timit hlei cu nunnak pek bak in an donh i an lim dih cang tiah theih a si. Ralhrang pawl nih Timit hlei donhnak ahhin minung 50 leng nih an nunnak an pek.

Ralhrang nih Timit hlri donh an duhnak hi Thantlang peng ah an thazang chap an duh ruang ah a si. Thantlang ah a ummi ralhrang pawl bawmh khawhnak ding zong an duh mi a si.

Cu pinah Thantlang ah a ummi Victoria camp zong lak an duh ruang ah a si. Cu ruang bak ah nunnak tampi liam in Timit hlei kha an donh nak cu a si.

Ralhrang nih Timit hlei donh an timh ahhin CNA le CDF he voi tampi an i kap. Thla hnih leng kai an i kap. Ralhrang tampi an thi i hliam an tuar.

Timit hlei an donh khawh cang ah ralhrang nih mah hi thil hi an tuah lai ti a fiang ko. Kawl lei in ralhrang Tank le Motor tam taktak Thantlang peng lei ah a kal lai. Ralhrang 500 leng an i tel lai. Thantlang peng hmunkip ah an i then lai i Victoria camp cu an kulh lai a fiang ko.

Cu ruang ah Thantlang peng cu kan zalen ngai cang kan ti ko lio ah ralhrang pawl khat thup in an phan cang lai caah hmunkip ah kahnak a chuak lai. Ralzam kan tam chinchin lai.

Timit hlei cu ralhrang nih an hngah peng cang. Chin ralkap nih hrawh than kho ti hna hlah seh tiin ralhrang nih sakhan an tuah beh cang. Mahhi hlei hi hrawh than khawhnak ding ah a lamkip in kan i zuam than a hau ko. Timit hlei kan hrawh than khawh lo ahcun Vaar hlei tal cu kan hrawh a hau ko cang.

Ralhrang nih Timit hlei an donh khawh mi hi cu a poi taktak khi a si ko. Thantlang mipi nih chuahtak dih cang mi, ralhrang tlawmpal te lawng an um cang kan ti lio ah Kawl lei in ralhrang an thazang an van chap than lai ding mi cu tih a nung ko.

Cu caah a tu tein Thantlang peng khuate pawl ralring tein kan um cia ah a tha lai. Biatak tein ral kan doh a hau lai. Mipi zong nih a hlei in thazang kan chuah than a hau lai.

 

[ad_2]

Source link

Leave a Comment

error: Content is protected !!