Min Aung Hlaing: Ramdang Ah Riantuan Poh Nih Nan Hlawh Zatceo Kan Sinah Nan Pek Lai

[ad_1]


Min Aung Hlaing: Ramdang ah rian a tuanmi poh nih Kawlram caah phaisa zatceo nan pek lai

Myanmar ralhrang hruaitu Min Aung Hlaing cu a lung a dong ngai cang. Phaisa hmuhnak lam phun kip in a kawl cang i a lam a dap cuahmah ko.

Kan hnu te ah khan ralhrang hruaitu Min Aung Hlaing nihcun ramdang ah rian a tuanmi poh nih Kawlram caah nan thla hlawh hmuh mi zatceo bak kan ram caah nan pek lai ti a si. A chim duh mi cu ralkap sinah nan pek lai ti kha a si ko.

Ralhrang nih uknak an lak hnu ah Kawlram cu riantuan awk a um ti lo. Minung tampi sifak in khua an sa i an um hna. Din ei awk hmanh a ngei lomi tampi an um cang hna.

Cu ruang ah zeital a thahnem hnga maw tiin Kawlram minung tampi cu ramdang ah riantuan ah an kal thluahmah cang hna. Ramdang ah a kalmi hi an tam taktak khi a si.

Cu ruang ah Min Aung Hlaing nih mahhi nawl a hun chuahnak hi a si ko. Ramdang ah rian a tuan mi poh nih Kawlram caah phaisa zatceo bak nan pek lai tiah nawl a hun chuah.

Cu lawng hmanh a si rih lo. Kawlram mi pohpoh ramdang ah siseh ramchung ah siseh Tilong chung rian a tuanmi cu nan thlahlawh kan sinah nan up hmasa lai. Nan up hmasa lo ahcun Tilong chung riantuannak lisen kan in chuh hna lai ti zong a hun chim rih.

Min Aung Hlaing nihhin ramleng ah a ummi thazang tiang in ei ai tim cang. North Korea hruaitu Kim Jong-un bantuk a si taktak ko cang. Kawlram nungak muidawh deuh hmanh hi ramdang ah a zuar te hna lai ti chim khawh a si ti lo.

Min Aung Hlaing nih phaisa tampi ai ser ko nain Kawlram phaisa a man tlak tuk ruang ah le thilman a fah tuk ruang ah san a tlai hlei lo.

 

[ad_2]

Source link

Leave a Comment

error: Content is protected !!