Malaysia Cozah Nih UNHCR Zung A Ting Kho Taktak Lai Maw

[ad_1]


Malaysia cozah nih UNHCR zung ting a timh mi hi a tlamtlinh kho te lai maw?

Tulio Malaysia cozah pawl nih UNHCR hi ting an duh pah cang. Malaysia President office in biachimnak nawl ngeitu nih tihin a chim.

Kan ram chung ah phungning lo minung an karhnak hi UNHCR ruang ah a si. UNHCR zung hi um hlah sehlaw mah tluk in kan ram ah phung ning lo mi an um lai lo a ti. UNHCR zung um hlah sehlaw mah tluk in kan ram ah phungning lo minung an tam lai lo. UNHCR ruahchannak he kan ram chung ah an rak lut.

UNHCR office hi kanmah Malaysia cozah nih kan tlaih cang lai i kanmah nih ralzam hna hi kan tawlrel hna a hau lai tiah a chim.

Mahhi kong ah UNHCR nih zeitindah bialehnak an tuah timi theih a si rih lo. Malaysia cu democracy ram pakhat a si i UN riantuannak a tihzah mi ram zong a si pinah human right a upat mi ram pakhat zong a si fawn.

UNHCR cu UN riantuannak ah agency pakhat an si. Malay cozah zong UN ah menber tling a si ve. UN riantuannak zeirel lo phun in a ummi cu a phung a si lo ngai.

Anmah Malay cozah nih ralzam pawl tawlrel timi zong hi a si kho lo ngaimi pakhat a si. Malay cozah nih an tawlrel ahcun zeitindah an tawlrel lai timi ruah awk a um ngai. Ramthumnak an kalter kho hna lai maw? Si lo ah ralzam hna hi an ram ah phungning in pom an tim hna lai maw ti zong ruah awk a um taktak mi a si.

Malaysia UNHCR office zong ahhin anmah Malay miphun officer zong tampi an um ko cang. Riantuan tu tampi an um ko cang. UN minung tel lo bak in an mah Malay cozah nih cozah rian pakhat bantuk in tlaih ding cu thil a si kho lo ngaimi a si. Ralzam ca zong ah a tha tuk lem lai lo. Cu pinah mahhi thil cu UN nih an duh lai lo.

 

[ad_2]

Source link

Leave a Comment

error: Content is protected !!