KIO/KIA: Fak Taktak In Ralhrang Kan Lehrulh Hna Lai

[ad_1]


KIO/KIA lei nih Kawl ralhrang pawl cu fak taktak in kan lehrulh hna lai tiah an chim

Nizan October 23,2022 zan suimilam 8:40 ah khan Kachin ramkulh Hpakan peng ah KIO kum 62 tlinnak puai an tuah lio ah Kawl ralhrang nih Jet fighter pathum bak in mipi cu bomb a thlak hnawh hna i minung 80 leng an thi tiah theih a si.

Nihin zanlei tiang ah a thimi minung 80 an tling cang. Minung 100 leng hliam an tuar rih. Hliamtuar mi hi an tamtuk caah a thimi zong an i chap kho tiah an chim.

Ralhrang bomb ruang ah a thimi ahhin Kachin hlasak thiam minthang, KIA bawi pawl le ngakchia mipi pawl an i tel tiah an chim.

A poi tukmi cu hliam a tuarmi minung 100 hrawng hi Myitkyina sizung le Hpakan sizung pi ah mi bawmtu hna nih kalpi ding an ti nain ralhrang nih lam an kham hna. Tu zanlei suimilam 7:00 tiang ah khan ralhrang nih lam an onh duh rih hna lo. KBC upa zong an kal i ralhrang pawl cu sizung lam onh ding in an hal nain lam an onh duh rih hna lo. Sizung ah thlop loin thi dih hna seh an ti rua.

KIO lei in an lung a fak tuk. Kachin mipi zong an lungfak tuk. KIO in biachim tu Buhmu Naw Bu nihcun kan mipi thinlung zong a fak. Kanmah zong kan lungfak. A herh ning in fak taktak in lehrulhnak kan tuah hna lai tiah a chim.

UN nih siseh miphun hriamtlai pawl nih siseh ngaihchiatnak le lungfahnak cathanh an chuah cio.

Kawl ralhrang nih mipi zawnruahnak um loin raltuknak a um lonak hmun ah mah bantuk in mipi thi hna seh tiah bomb a thlak mi cu lainawn nak a si tiah cathanh an chuah cio.

KIA pawl nih cantha an kawl lai i Kawl ralhrang pawl hi fak taktak in an phomh te hna lai. Zohchia taktak in an phomh te hna lai.

 

[ad_2]

Source link

Leave a Comment

error: Content is protected !!