Kawl Ralhrang Vanlong Nih Mipi 200 Leng A Thah Cang Hna

[ad_1]


Kawl ralhrang Vanlong kahnak in mipi 200 leng an thi cang. Tampi hliam an tuar rih

Kawl ralhrang nih uknak an lak thla 20 chung ahhin Vanlong in mipi a kahnak hna ah minung 200 leng an thi cang tiah NUG nih nihin ah cathanh an chuah.

Kawl ralhrang nihcun ral a si lomi hriam a tlai lomi mipi kha timh ciamman tein Jet fighter le helicopter in a kah hna i mipi 200 leng an thi cang tiah NUG nih thawng an thanh.

Nizan October 23,2022 zan suimilam 8:40 ah KIO an dirh kum 62 tlinak lawmhnak an tuah lio ah Kawl ralhrang Jet fighter pathum bak nih bomb voi 4 an thlak i mipi 50 leng an thi cang. Hliamtuar mi 100 leng an si tiag Kachin media hna nih an chim.

Hliam a tuar mi hna hi khuapi lei sizung ah mi bawmtu hna nih a rannak in kalpi an duh hna nain Kawl ralhrang pawl nih lam an kham caah kan kal kho lo tiin mi bawmtu pawl hna nih an chim.

AA, MNDAA le TNLA hna nih cathanh an chuah colh. Kawl ralhrang pawl hi zei hmanh chim ceih awk a um ti lo. Nam colh dinh phomh colh ding an si cang tiah cathanh an hun chuah ve.

Kachin kan unau hna ralhrang nih Jet fighter bak in a phomhmi hna ruah ah mipi thinlung a fak cio. Chinmi zong kan thinlung a fak tuk ve.

KIA lawng si loin tlangcung miphun hriamtlai hna nih Kawl ralhrang hi zeitindah an lehrulh te lai timi theih a si rih lo. Fak taktak in lehrulhnak hi an tuah te ko lai.

Kawl ralhrang nihhin nai hrawng raltuknak ah Jet fighter an van hman ngai than cang. Chin ramkulh kahnak zong ah Jet fighter an hman ngai. Kachin ramkulh zong ah an hman ngai i a tu Kachin ramkulh zong ah an hman ngai fawn.

Nihin October 24,2022 cu ralhrang nih Kachin mipi 50 reng lo a thah mi hna philh lonak ah le ngaihchiat langhternak caah Kachin ramkulh hmunkip ah KIO flag cu tang ah thumh in a canceo in an thlai cio hna.

 

[ad_2]

Source link

Leave a Comment

error: Content is protected !!