Kawl Ralhrang Nih Chin Le Kachin An Kan Ral Khunnak A Ruang

[ad_1]


Kawl ralhrang nih Chin le Kachin a kan ral khunnak a ruang hi a tang lei ah a si

Kawl ralkap pawl nihhin a hlan te khan Chin le Kachin cu a kan ral bikmi kan si zungzal. Kan ci hloh bak hi a rak i zuam peng mi a si.

A ruang cu Khrihfa kan si ruang ah a si. Kawl biaknak hi Budhish biaknak pakkhat ah um seh ti an duh. Khrihfa kan sinak hi hloh dih an timh zungzal mi a si.

Cu ruang ah Chinram ahhin Phungki sianginn tampi an tuah. Tanghra tiang a lak in sianginn kainak an tuah. Cu sianginn ah a kaimi Chin ngakchia pawl hna cu Budhish kong kha an cawnpiak tawn hna. Kan biaknak hi hrawh dih an duh.

Pahnihnak ahcun Magwe ramthen le Sagaing ramthen ah PDF thazang an thawng tuk. Mahhi Chin le Kachin ruang ah a si timi Min Aung Hlaing nih fiang tein a hngalh dih.

Magwe ramthen chung le Sagaing ramthen chung PDF hi KIA le CNA nih ralkap tintan pek deuh mi lawng te an si hna. Raltuk ning pawl zong khi CNA le KIA nih cawnpiak deuh mi an si hna. Hriamnam zong Kachin le Chinram sinah in an lak mi deuh an si hna.

Magwe ramthen i Yaw PDF timi hna cu Vaurawng Zuunthil hmang in Chinmi nih bawmhnak zong tampi kan rak pek bal hna. Sagaing ramthen Kalay peng vialte khi a tam deuh cu Chin ralkap deuh an si hna.

Sagiang ramthen chak lei khi KIA nih PDF an dirkamh tuk hna. Kawl ralhrang tantuk an thihnak a si. Magwe ramthen zong ralhrang tamtuk an thihnak a si ve.

Mahhi ruang ahhin Min Aung Hlaing nih CNA le KIA kan tei hna ahcun Sagaing ramthen PDF le Magwe ramthen PDF cu fawi tein kan tei ko hna lai ti kha a zumh tuk. Cu ruang ah Chin le Kachin hi a hlei khun in a kan ralmi kan si.

Kan hnu ah Kachin ramkulh Phakanh ah KIO kum 62 tlinnak lawmhnak puai an tuah lio ah ralhrang nih Vanlong in bomb 4 an thlak i Kachin mipi le KIA telh in minung 80 leng an thih pinah minung 100 leng hliam an tuar.

Chinmi zong kan i ralrin bak a hau. Min Aung Hlaing nih mipi a bu in umnak ah bomb thlak hi ai timh cang mi a si. Mipi tampi thi hna sehlaw cawl kho ti hna hlah seh tiah a ruah mi a si.

 

[ad_2]

Source link

Leave a Comment

error: Content is protected !!