Kalaymyo Bocho Lampi Bak Ah SAC Ralhrang Bomb In An Puah Hna Caah An Cei Taktak

Kalaymyo khuachung bak ah SAC ralhrang aa chawh mi hna bomb in an puah hna caah pathum cu fakpi in hliam an tuar.

Kalaymyo Kyutungpan sang ah Motor sawhsawh pahnih in an i chawh lio nak Bochoh lampi cung OSO datsi dawr pawngah nihin zing suimilam 7am tluk ah bomb in an puah hna hi a si.

Bomb a puahnak hmun le SAC ralhrang pawl hna hi pe 30 tluk lawng an i hlat. Ralhrang nihban i ciymi motor ke a kuai caah SAC ralhrang pathum hliamhma an tuar tiah theih a si.

Ralhrang pawl cu an thin a khoih tuk hna i lamkam ah meithal kah thloh in an kah i kum 40 pakhat motorcycle aacit mi nu pakhat kuan hliamhma a pu.

Cun a pawng um Denko datsi dawr hngaktu nu pakhat inn chung a um ko mi a ke ah kuan pahnih nih a khen ve caah hma a pu ve tiah theih a si. Ralhrang nih kahthloh in meithal an kah caah cuka hmun pawng inn pahnih cu tamlak te a rawkral tiah theih a si.

SAC ralhrang pawl cu Surf motor pakhat le Double cab pakhat in milu 10 hna cu bomb in an puah hnawh hna hnu i hnu an kir than tiah theih a si. SAC ralhrang hnu an kir hnu tlawmpal ah sungthoh pahnih an hun phanh colh tiah pawngkam um hna nih an chim.Source-Zalen

Leave a Comment