Hi Tluk Phaisa Kan Thawh Ko Buin Kan Der Tukmi Hi Lungrawk A Si Ko

[ad_1]


Hi tluk phaisa kan thawh ko bu in kan thazang a der ning hi cu a phu le bu kan tamtuk ruang bak ah a si ko

Ralhrang nih uknak an lak hnu ahhin Chin ramkulh peng kip ah CDF tiin hriamtlai phu an dir cio. Uknak pakhat tang ah um loin peng pakhat kha an mah te cio in an i uk.

Tahchunhnak ah Thantlang CDF khi ho hmanh nih a uk hna lo. Anmah tein an i uk. Hakha CDF zong cu thiamthiam. Cu hmanh ah Hakha peng ah Senthang CDF an mah tein an i uk i Thantlang peng ah Zophei CDF anmah tein an i uk rih fawn.

Chin ramkulh peng dang zong cu bantuk an tamtuk. Falam peng zong ah CDF phu thum hrawng an dir. Matupi peng zong ah phu ceilak an dir.

Chinmi hi mi uk kan chei lo. Ralhrang uk zong kan chei lo. Kanmah le kamah i uk zong kan i chei rua lo. A ngaingai tiah cun Chin ramkulh CDF vialte hi hruainak pakhat tang ah an um awk a si. Hihi an mah pengkip CDF upa te hna nih bawi si an duh ruang ah i fonh dih hi an duh lo ruang ah a si ko.

Ralhrang nih uknak an lak hnu ahhin Chinmi nih phaisa kan thawh mi hi a tam bak cuh. A men te lo awh. A tam bak khi a si cang. Kawlram chung ahhin kanmah Chinmi tluk in phaisa a thomi an um lai lo dah. Kawl PDF pawl khi mah tluk in bawm hna usih law ralhrang cu tamtuk an thah cang hna lai. Khuaruah har in an thawng lai.

Hi tluk in phaisa kan thawh ko nain Chin ralkap kan thazang a dertuk mi hi cu pengkip in mah te nawlngeihnak le hruainak cio ah kan um dih ruang ah a si ko. Kan thazang ai then tuk i kan chawva zong ai then tuk. A herh hua lem lomi thil ah phaisa tamtuk a kal tawn.

Chin ralkap hi CNA pakhat lawng siseh, CNA a tha lo kan ti i kan lungtlin lo ahcun Chin ram ah ralkap phu khat lawng um ding a si ko.

Chinmi hi lungrual cu kan duh tuk kan chim tuk nain an mah CDF lila hmanh an lung ai rual khawh lo ahcun zeitindah kan thazang cu a thawn khawh hnga mu. Ngaihchia kan si ko. Hi nak in kan thazang hi a thawng kho ti lai ti ka zum lo.

A herh bak mi cu Chin ramkulh CDF hi hruainak pakhat tang ah um hna seh. Uknak pakhat tang ah um hna seh. Si lo ahcun CNA ah i fonh dih hna seh. A hlan tuk cangmi CNA le CNF hruaitu pawl zong thlen ve an hau hnga.

 

[ad_2]

Source link

Leave a Comment

error: Content is protected !!