Good News: Ralhrang 6000 Deng An Thi

[ad_1]


Karen ramkulh thla khat chung i kahnak ah Kawl ralhrang minung 369 bak an nunnak a liam

Karen ramkulh Kawtulay KNU uknak hmun chung ah Kawl ralhrang le BGF i bawm in KNU he an kar ah kahnak a chuak mi ah ralhrang 369 an nunnak a liam hi a si.

Mahhi Karen ramkulh Kowtulay peng chung lawng a si rih. Ralhrang pawl cu BGF he an i bawm. A luan ciami October thla chung ah Kowtulay peng chung ah kahnak voi 286 a chuak. Mah chung ah ralhrang le BGF minung 369 an thih hi a si. KNDO le KNU lei in minung 6 an nunnak a liam ve.

October thla chung ah Karen ramkulh Kowtulay peng ah ralhrang minung 4 hriamnam he CDM an tuah. Ralhrang 32 an nung in an tlaih hna. Ralhrang 300 leng hliam an tuar rih. Ralhrang Motor 18 KNU le KNDO nih an tlaih.

Karen ramkulh Kowtulay peng chung ahhin a luan ciami January kum 2022 in October thla dih tiang ah ralhrang he i kahnak voi 3845 a um. Cu chung ah ralhrang 3664 an thi i 2700 leng hliam an tuar.

A luan ciami kum 2021 chung ah khan Karen ramkulh Kowtulay peng chung ah ralhrang le KNU kar i kahnak voi 3152 a um. Cu ahcun ralhrang lei in minung 2190 leng an rak thi i 2048 hliam an rak tuar.

Karen ramkulh Kowtulay KNU uknak chung ah ralhrang ting thum leng an um i ralzam tingkhat cu a rannak in bawmh herh mi an si tiah an chim.

Ralhrang nih uknak an lak hnu kum 2021 January in October 2022 tiang ah Kowtulay KNU hmun chung ah Kawl ralhrang hi an dihlak in minung 6000 deng an thi cang tinak a si. Ralhrang 5000 leng hliam an tuar cang tinak a si.

Ralhrang nih uknak an lak hnu ahhin ralhrang pawl an thih biknak cu Karen ramkulh ahhin a si. Cu hnu ah Kachin ramkulh, Saging ramthen, Chin ramkulh le Kayah ramkulh hna an si.

Ralhrang nih uknak an lak hnu ahhin Kawl ralhrang a thimi hi news ah a lang ni nak let in an rak tam tawn. Battalion pakhat ah ralhrang 100 hrawng a um tawnmi kha a tu ahcun minung 20 lawng hna an um cang ti a si.

 

[ad_2]

Source link

Leave a Comment

error: Content is protected !!