Good News-PDF nih Khin Oo Ah SAC Ralhrang Ceilak An Fimtawl Hna

Khun Oo lei ah ral lam sial in a kalmi SAC ralhrang hna cu bomb in an puah hna i ralhrang 7 an thi i ralhrang nih hriamngan an puah chih caah khuami a thong in an zam hna tiah theih a si.

Sagaing ramthen Khin Oo peng lei ah ral lam sialtu ralhrang pawl hna mipi ralkap PDF hna nih bomb in lampi ah an phomh ciaman hna i ralhrang pa 7 an thi tiah Lightning Guerrilla Revolution Force rian ngeitu pakhat nih a chim.

Sepawngtaih le Tayetpin suh kar ah Bomb 4 bak in an kah hna i ralhrang pa 7 cu hell ram ah an kuat hna. YeOo khuapi sizung um SAC ralhrang hna nih hriamngan in kah thloh in an kah ruangah kbuami a thong in an zaam hna tiah L .G.R.F nih an chim.

Zingka suimilam 6am in Yee Oo khuapi in Yuahtitkung lei ah SAC ralhrang kuttang Pyusawhti ralhrang zate fonh 100 tluk hna nih Khin Oo hnulei khuate ah ral lam an sial i hriamngan in an kah tuk ruang ah khuami a thong in an zaam ve tiah theih a si.

A tulio hi Khin Oo peng Einpat khua, Chauntharkone, Aungchainthar khua, Mayaninn khua le Konetharsi khua hna zong ramlak ah an zaam hna i an tlqih mi hna zong an tam pi len tiah theih a si.

Leave a Comment

error: Content is protected !!