Good News: CDF-Mindat Nih SAC Ralhrang 2 An Thah Hna

[ad_1]


CDF-Mindat Nih SAC Ralkap 2 An Thah Hna: Chin ramkulh Mindat peng Palungtti khua pawng ah nizaan November 8 ah CDF-Mindat le SAC ralkap kar hmaitonh kahdohnak a chuak i SAC ralkap pahnih an thi, tiah theih a si.

May be an image of mountain, nature, cloud and tree

SAC ralkap 100 renglo cu ke in Htilin khua in an rak i thawh i Palungtti khua ah meithal puah pah bu in an rak lut i tualchung hriamtlai phu he kaphnih kar kahdohnak a chuak. Kaphnih kar kahdohnak a chuah ruang ah Palungtti khuami hna cu ralhrial in an zam hna i khuachung in ngakchia 50 renglo an chuak kho rih lo, tiah theih a si. Crd The chin post

Relchap, Ralhrang le Pyusawhti hna nih Kung Maw khua le Kyauk Maw khu mei in an khangh ii khuami 1 an kahthah: Sagaing ramhthen,Mingin peng , Kung Maw Khua Le Kyauk Maw khua cu ralhrang le Pyu saw Htee hna nih November 8 chung hrawng ah mei in an khangh ii khuami pakhat zong an kah thah tiah People Defence Force Taung Dwin Region-Mingin ni cathanh an chuah .ralhrang le Pyusawhtee thazang 30 hrawng hna cu November 8 chun hrawng ah hriam ngan le hriam hme hna kah pah in Kung Maw khua ah an rak lut ii ii mipi inn 30 tluk cu mei in an khangh leng ah Kum 55 a si cang mi lungthin lei hawi a tluk lo mi U Hte Lin cu an kah thah tiah an langhter.

Cu Pin ah Kyaukmaw khua zong ah an lut than ii mipi inn 14 an khangh than ii phaisa le adang thilman sung zong an chuh hna tiah theih a si.mipi hna zuat mi caw le vok zong meithal in an kahthah ii zaanlei sang ah an mah um hmun khuar nak Kyaw khua lei ah an kir than. Cu ralhrang phu hna rallam an sial caah khuami hna cu a him nak lei ah an zam hna tiah theih a si.

Relchap>>>>>November 8 zaanlei slm 4:00 tluk ah Pyia khua pawng ah ralhrang hna le tualchung hriamtlai phu kar kahdoh nak a chuah hnu ah ralhrang hna nih cun Inn 1000 tluk a um mi Pyia khua cu mei in an khanh tiah thawng theih a si.Cutin ralhrang hna nih mei in an khagh caah khua mi a thawng leng cu ralzam dirhmun an phan tiah theih a si.

“November 8 zanlei slm 4:00 tluk ah kan khua pawng ah kahdoh nak a chuak ii zanlei slm 6:00 tluk ah ralhrang hna cu kan khua chung ah lut in mei in an khangh hi a si.a tu cu khua mi hna ramtang ah kan zaam dih hna , kan khua hi inn 1000 tluk a um mi a si a tu cu ralhrang hna nih mei in an khangh ii ramtang hmanh in a mei kan hmuh khawh viar inn zeizat dah a kang ti cu kan thei kho rih lo , khuami cheukhat tleih an tong ii an tuk an vel hna” tiah Pyia khua mi pakhat nih Yangon Khitthit media ah a chim.

[ad_2]

Source link

Leave a Comment

error: Content is protected !!