CNF Camp Victoria Hi Ralhrang Nih Jet Fighter In An Kap Kho Taktak Lai Lo

[ad_1]


CNF Camp Victoria hi Kawl ralhrang Jet fighter nih a kap kho taktak lai lo

Uico ralhrang pawl nih CF camp hmunpi a simi Victoria cu kah an timhnak biathli vialte phuan dih a si cang. Kah an timhnak zawn tiang in theih dih a hung si cang.

Chinmi tampi thinphang in kan um hna. A bik in Vanzang Tlang thluan khuate pawl thinphang in an um khun. Ruah lo piin bomb hna an van tlak tak sual lai an thinphang cio hna.

India ram le Myanmar ramri kam Tio tiva kam bak ah a ummi Camp Victoria hi ralhrang nih Jet fighter hmang in an kap kho taktak lai maw tihi ruah ngai a hau mi a si.

Kan hnu ah Lungler sakhan an kah lio hmanh ah khan ralhrang Jet fighter cu Mizoram chung ah a va lut dengmang khi a si. Lungler khua te Tio cu meng 6 hrawng in ai hlat mi a si.

Kar khat bak Mizoram he ai hlat mi CNF Camp hi Jet fighter in van kah ding ahcun a har taktak mi a si. Mizoram chung ah Jet fighter luh lo awk a tha lomi a si. CNF umnak hi tiva kam hmun rawn a si tik ah tlang nih a kulh dih fawn.

Cu caah Camp Victoria kahnak ding caah hin ralhrang nih Jet fighter hman an i harh bak lai. An hman sual hmanh ah an duh ning in an lut kho lai lo, an kap kho lai lo. Ralhrang Jet fighter kha India ram chung ah a luh suak ahcun India cozah nih a ti ding mi kha a si ve.

KIO hmunpi a simi Laiza khi ralhrang nih Jet fighter in kah an duhnak can a sau tuk cang. Sinain an kap kho bal lo. A ruang cu Tuluk ramri bak ah a ummi an si tikah Jet fighter kha Tuluk ram ah va luh lo awk a tha lomi a si. Cu caah nihin tiang an kah khawh lonak a si.

Cu bantuk in Camp Victoria zong hi ralhrang caah kah a har tuk ding a si. An kah khawh taktak lai hi zumh a um lo. Helicopter belte cun an kah khawh men ko.

 

[ad_2]

Source link

Leave a Comment

error: Content is protected !!