CNF Camp Ah Dalan An Um Hrimhrim Ti A Fiang

[ad_1]


Camp Victoria ahhin Dalan an um hrimhrim lai timi cu a fiang ngai ko

Kawl ralhrang pawl CNF hmunpi Camp Victoria cu kan kah lai tiah timhtuahnak an ngei. Cucu CHRO nih an theih hi mipi theih ding ah an hun phuan. Kawl media pical tiang in a thang dih cang.

Kan hnu ah khan Kawl ralhrang Vanlong cu Vanzang Tlang cung le Camp Victoria cung ah voi tam ngai ai hel. Hakha le Thantlang hrawng zong ah ralhrang Jet fighter a tuletu in a ra i bomb a thlak lengmang.

Ralhrang nihhin Camp Victoria ah mipi a bu in an um lio bak ah bomb thlak ding in mipi tampi thi hna seh ti kha ai tinh ning a si. Cucu a hriamnam tha bik ah ai chiah cang mi a si. Camp Victoria va lak theng lo zong ah bomb thlak i minung tampi thih kha a duh mi a si ko.

Kawl ralhrang nih hman thlak an lak ning le an saisam ning an langhter mi zoh tikah Camp Victoria ahhin nu ihnak, pa ihnak, Biakinn le CNF bawi pawl umnak, sianginn umnak tiang in an theih dih. Pe cuzat ai hlat ti tiang in an theih dih. Hmun 13 ah bomb a pin bak mi thlak an tim.

Mah tluk in ralhrang nih Camp Victoria kong an theih khawh hi thawngpang a petu hna an um bak ti ai fiang ko. Vanlong i an van zoh nak lawng ngai in cun mah tluk in theih khawh ding phun a si lo.

Ralhrang CDM a tuah mi hna sin in maw, Kawl pawl PDF hna sin in maw, a thli minung an um lai tihi zumh bak mi a si ko cang. Cu caah mipi kan i ralrin bak a herh cang mi a si.

Cu pinah Dr. Ngun Cung Lian hi CNA a rem bak lomi a si. CNF a chuah hnu in CNF a doh tu a si cang. Camp Victoria an tuah lio ahhin Dr. Ngun Cung Lian zong a um ve rih. A mah zong nihhin Camp sining zeimawzat cu a theih men lai.

Tih tuk ding le phan tuk ding cu a si lo nain ralrin tu cu a tha. Ralhrang nihhin zanlei mui hrawng le zing lei ceu hlan hrawng ahhin mipi umnak bomb an thlaj lai hi zumh a um bik.

Kan hnu ah KIA le Kachin mipi puai an tuah lio ah Vanlong in an kah hna zong kha mui hnu zan sml 8:40 hrawng ah a si. Minung 80 leng an rak thi khah. Kachin mipi an thinlung a rak fak tuk.

 

[ad_2]

Source link

Leave a Comment

error: Content is protected !!