CDF Si Loin CNA Bak Ah Mipi Nih Phaisa An Pek Cang

[ad_1]


CDF ah si loin CNA bak ah mipi nih phaisa an thawh deuh cang caah lawmh a um tuk

Tuan deuh ahcun mah pengtlang CDF ca bak in biatak tein rak cawlcangh cio a si. Ramleng a ummi hna zong nih mah pengtlang CDF ca bak ah phaisa rak kholh le rak thawh cio a si hna.

CDF hi kum khat leng an hung kal ve cang i pengtlang CDF kar ah rem lonak tampi a chuak. Khat le khat kar ah kahnak tiang a chuak cang.

Cu caah Laimi mifim tampi nih an zoh i khua an ruah tikah CDF thazang kan rak dirh mi le thazang kan rak pek mi hi a rak i palh deuh ko ti an hung fiang cio cang.

Chinmi cu pengtlang tanhnak lungput a ngei tukmi kan si. Pengtlang cio in ralkap kan i ngeih cang. Kan thazang a thawn cio ahcun pengtlang pakhat le pakhat kar ah kahnak a fak chin lengmang lai ti kha an ruah cio ning a si cang.

Mahhi kan ram a si. Cu CDF nih mahhi cu kan ram chung a si caah hriamtlai dang nanmah nawl in nan lut kho lo ti hmanh a tam ngai cang. Cuticun a kal vima lai i a hnu ah kan buai tuk te dingmi a si.

Mahhi mifim kan pa le hna nih an i fiang tuk cang. Kawl ralhrang cu kan ral a si ko. Sinain kanmah le kanmah kan i ral ding le kan i kah te ding mi hi ruah khawh cio ding a si lo.

Cu caah Chin ramkulh ahhin a thaw bak mi CNA hi biatak tein thazang pek kan hau. CNA nih biatak tein Chinmi a kan control khawh a hau cang. Cu lo cun pengtlang hriamtlai phu fa tete kar ah buainak a ummi hi a dai kho ding a si ti lo.

Pengtlang CDF i phaisa kan thawh cio tikah phaisa ai thek dih. Kan thazang ai fun kho lo i a huaha lo ah a kalmi a tamtuk. Cu caah vawlei cung ramkip le hmun kip a ummi Chinmi hna nih Chinram caah hriamtlai phu khat a thawng mi ah kan thazang kan fun cio hna a herh bak mi a si.

 

[ad_2]

Source link

Leave a Comment

error: Content is protected !!