A Poi Tuk E: Ralhrang Nih Chinmi 3 Zohchia Tukin An Thah

[ad_1]


Chin Le Yaw Ramri Ah SAC Ralkap Nih Ralhrial 6 Le Chinmi 3 An Thah Hna, SAC Ralkap Pahnih Sniper In Kah Thah An Tong!Chin ramkulh, Mindat peng Palungtwe(ပလုံတွီ) khua(Chin le Yaw ramri) ah SAC ralkap cu, Yaw PDF bantukin an i umter i Yaw rammi ralhrial 6 le Chinmi 3 cu an thah hna, tiah CDF Mindat in chimphuannak nawlngeitu Salai Ha Om nih a chim.

May be an image of indoor

A luancia November 7 zinglei ah YDF thilthuam i hruk in SAC ralkap cheukhat cu Chin ramkulh Palungtui khua ah an lut i, sii-ai thlopbulnak kan in tuah hna lai tiah an ti hna. Cu hnuah ralkap 100 leng cu an rak lut i tualchung mi le ralhrial 40 hrawng an tlaih hna, tiah a chim.

SAC ralkap nih an tlaihmi hna chungah ngakchia le tar zong an i tel i cu chungah ralhrial pa 7 zong an i tel, tiah theih a si. SAC ralkap pawl cu nizan November 10 ah Htilin khua lei ah an kir i, an tlaihmi chungin ralhrial pa pakhat zong an kalpi, tiah theih a si.

May be an image of outdoors

SAC ralkap an kir hnuah humhma thianhhlimnak kan tuah i, SAC ralkap nih zohchia tuk in mei an khanghmi hna ruak hmun zong checkhkatnak kan tuah, tiah CDF Mindat nih cathanh an chuah.

“Ralkap an kir hnu in checkhlatnak kan tuah i cu chungah Chinmi 3 le Yaw lei in minung 6, an dihlak 9 cu SAC ralkap nih zohchia tuk in an thah hna, tiah Salai Ha Om nih cun a chim chap.

May be an image of outdoors

SAC ralkap pawl cu kan kulh ko hna nain ralphaw ah an hmanmi khuami hna an um caah kan kap kho hna lo. Tualchung mi kan khamh khawh hna lo ruangah kan lung a ṭha hrimhrim lo, tiah CDF Mindat nih an langhter.

No photo description available.

SAC ralkap an rak phak ni ah CDF Mindat nih sniper in kan kah hna caah SAC ralkap 2 an thi, tiah Salai Ha Om nih cun a chim. Crd The Chin Post

[ad_2]

Source link

Leave a Comment

error: Content is protected !!