Seo Win Cu Taungkyi In Nay Pyi Taw Ah A Tlung Ngam Ti Lo


Myanmar ralhrang hruaitu chang a simi Min Aung Hlaing changtu Seo Win cu Taungkyi in Nay Pyi Taw lei ah a tlung ngam ti lo.

Seo Win cu kan hnu ah khan Shan ramkulh Taungkyi khuapi ah ralhrang chungkhar hna thazang va pek ding ah a va tlawng hna. A ralkap pawl thazang a va pe hna.

Taungkyi khuapi ah a kal lio ah PDF pawl nih bomb an puah hnawh. Seo Win Motor bak kha bomb puah an timh nain thil a tamtling deuh lo ruang ah Seo Win citmi Motor a phak hlan deuh ah a puak i palik pahnih le PK pahnih an rak thi.

Cu ruang ah Seo Win cu Taungkyi khuapi chung ah a vak ngam ti lo. Taungkyi khuapi chung ah ai chok ngam ti lo. Ralhrang sakhan lawng ah a um ko cang ti a si.

Nay Pyi Taw ah van tlunnak ding ahcun Airport ah va kal a hau. Airport ahcun Motor in kal a hau cang i Motor in a kal ngam ti lo. Ralkap sakhan ah Helicopter in va lak hau dawh in a um cang.

Ralhrang nih tutan uknak an lak hi cu an bawi luban pawl zong an thinphang ngai. An thi deng lengmang caah thinphang thlalau in an um zungzal ve ko cang.