Sunday kan i pumh lengmang nak a ruang cu Sunday nih a rak kan lem tuk caah a si

SUNDAY NI AH KAN I PUMH LENGMANG NÂK A RUANG BIK CU

JESUH LAMKALTU HNA KHA SUNDAY PUMH NIH

A RAK LÊM HNA RUANGAH A SI.Jesuh thawhțhan ni ah khan Lamkaltu hna nih Jesuh a thoțhan ti kha:-

thoțhan Jesuh a hmutu nu hna nih an chimh hna nak thawngin an theih.
Mathai. 28:8-10.Asinain Lamkaltu hna nih cucu an zûm lo. Marka 16:10-14. Luka 24:9-11

Zeicatiah thoțhan Jesuh kha an mit hrim hrim in an hmuh rih lo caah a si.Asinain Lamkaltu hna cu:-Jesuh thawhțhan ni zanlei ah inn pakhat ah an i pum.

Judah mi an țih ruangah an i pumhnâk innkâ kha an khar. Johan 20:19.Ruah lo piin thoțhan Jesuh kha an sinah ai lang i mit hrim hrim in an hun hmuh.

Asinain zarh khat chung ah thoțhan Jesuh kha an hmu țhan ti lo.A hmai zarh, a thawhțhan ni camtuak hmasa bik ah:-

Jesuh lamkaltu hna cu inn pakhat ah an i pum țhan.Johan 20:26.Hi tan zongah an i pumhnak innkâ kha an khar țhan.

Niruk chung ah an hmuh țhan ti lomi thoțhan Jesuh kha:-A ni sarih nak a thawhțhan ni Sunday ah mit hmuh khawh in an sinah ai lang țhan i mit hrim hrim in thoțhan Jesuh kha an hun hmuh țhan.
Johan 20:26-Cucaah Sunday ni pumh nih a rak lêm hna.Kan nih zong rak um u sih law Sunday pumh nih a kan lêm bak lai.

Ni hin ah thih ngamh in sabbath a țanhtu hna zong hi:-Kha ka ah khan rak um ve hna seh law Sunday pumh nih a lêm hrim hrim hna lai ti hi za ah za in a fiang.

Zeicatiah hmuh an duh tuk mi thoțhan Jesuh cu a thawhțhan ni Sunday ah pei voi hnih khêng te an rak hmuh kha.

Hruhtertu le mawlhtamhtu ngeih lo ah cun:-An Khamhtu le an Bawipa thawhțhan ni dah ti lo:-

Ni dang ah i pumh rai a si ti lo.Cucaah pei Gentel vawlei ah Jesuh thihnak le thawhțhannak a zûmtu Kristian hna zong An Khamhtu le an Bawipa Jesuh thawhțhan ni ah Paul nih a rak pumh pi hna kha. Lamkaltu 20:7

Galatih ram zûmtu vialte le Korin khua zûmtu hna zong:-Judia ram Pâm bomhnak phaisa kha:-Paul a rat tikah kholh hau ti lo dingin:-An i pumh lengmang nak ni:-Zarh chung ni hmasa bik (Sunday) pauh ah:-Rak pum hna u tiah Paul nih nawl a rak pek hna kha. 1Kor 16:1-2.

Cuticun:-Nan Khamhtu le nan Bawipa thawhțhan ni pauh ah rak i pum u’tiah fial an herh ti lo.Jesuh thawhțhan ni (Sunday) pumh nih a lêm in a rak lêm cang hna.

Tahchunhnak ah:-Zu a ding lengmang mi cu zu din nih a lêm cang caah fial hau lo in a din leng mang ko.

Thlauh khawh hmanh a si lei lo.Cubangin Jesuh a thawhțhan ni thawk in Jesuh Lamkaltu hna kha:-Jesuh thawhțhan ni ah i pum u,’ tiah fial hau loin a lêm in a rak lêm cang hna:Zeicatiah hmuh an duh bik mi thoțhan Jesuh an rak hmuh tawn nak ni a si.

Fial chom le hnek chom ruangah an rak i pum lo.Thoțhan Jesuh an hmuh nak ni a si caah-:An Khamhtu le an Bawipa thawhțhan ni (Sunday) pumh nih a lêm in a rak lêm hna.

Cucu ni hin tiangin Suday ni ah kan i pumh lengmang nak a ruang bik cu a si.Rom siangpahrâng Constantine le RCM Pope ruangah ai pum mi kan si lo.Crrfit-Even Rual Uk

Leave a Comment

error: Content is protected !!