NU Nih Pulpit Cungin Thawngtha Bia Chim Le Pastor Tuan Hi Cathiang Ning A Si Lo

Nu Nih Pastor Riantuan Hi Baibal Nih Zeitindah A Chim ?

Mah kong hi aupi leen zongah Khrihfabu nih an rak zulhmi phung le lam a si ca’ah zeitluk hmanh in aupi u si law, sullam ngei lai lo, Nain Bible ca tha tein kan zoh tikah “NU Nih Pulpit Cungin Thawngtha Bia Chim Le Pastor Tuan Hi Cathiang Ning A Si Lo )

Mizoram Khrihfabu a cheukhat cu ” Nu nih pulpit cungin thawngtha bia an chim lo, cun Nu nih Pastor zong an tuan lo, mah cu uar an um nak a si, cun Nu nih nubu kong he aa pehtlai lo mi bia dah ti lo, Pulpit cung hrim ah bia an chim lo

1 Cor 14:34-35 Khrihfabu chungah Nu cu dai tein um ko seh, hi nih a langhter mi cu Khrihfabu cawlcanghnâk a si ko ca’ah Khrihfabu ahcun Nu i Pastor țuan cu a si kho bak lo ti kha a si ko, Nawlngai tein um ko hna seh

1Tim 2:11-12 Khrihfabu ah siseh Innchungkhar ah siseh Pa a um ko ahcun daitein um seh (daitein timi cu holh bak loin a um lai ti nak a si hrim lo ) Pa Pastor a um ko ahcun Nu cu daitein an um awk a si ko

Khrihfabu ah Pa an um ko Nu i biachim le Nu i Pastor si kha cu kan cathiang nih a onh bak lo mi a si. Col 3:18 ahcun Nupi le hna Bawipa mi sinak he a tlaak bangin nan vale sinah i pe u..Bible ah kan hmuh bangin Nu nih cun a pasal sinah ai pekah a za ko, a vapa sinah ai pek poah ahcun Bawipa rian a țuan a si ko, A pasal tuanmi kha ai hrawm ko Eph 5:22

Tit 2:5 Nu nih cun aa ralringmi a si awk a si, a tthiangmi le innchungkhar a kilveng kho mi a si awk a si. 1Pet 3:1 Nupi le hna nan va sinah i pe u.

Nu cu sayamah an si ah a za tuk, Pastor tiah nan hai ti rih hna Pastor a sullam hi nan hngal lo ma si hnga? Pastor tiah hai auh ko nain “Nu” a si fawn, A hleice in fale a ngei cia hrim nih Pastor rian nan i khinhmi hi khuaruahhar taktak nan si Pathian bia nan hngal lo kan ti hna ahcun nan thinhung fawn lai

Pulpit cung hrim ah “Nu nih thawngtha bia an chim awk a si lo, Tuukhal nih cun a țuukha rawl thawthaw a pek awk a si ko ( Nu nih țukhal rian a tuan phung zong a si lo )

Khrihfabu ah i pe u a ti lo ( Khrihfabu ah a cawlcang lai lo ti nâk si lo in, Pastor dir hmun ahcun Nu cu a si kho lo chim duhnak a si ) Cathiang ah kan hmuhmi cu Nu nih cun a vapa sinah ai pek phut ahcun mah kha Pathian duhmi a si i, A za bik a si, a tha bik zong a si…

Jesuh Khrih thawngin Nu le Pa thleidan nak um lo cu ta tiah na ti men lai, Cu ca’ah Nu zong nih Pastor rian an tuan awk a si tiah nan ka ti rih men lai “Nu nih Pastor a tuan kho nak ding Pathian bia ah a um lo. Thleidan nak a um lo ti mi kongah “Nu nih Pastor a tuan lai nak chimmi a si fawn lo

Pathian bia si lo in phung le lam nih an in uk tuk hna ruangah raltha tein Baibal nan chim ngam lo nak a si, cun a taktak te ahcun minung le minung mit hmai nan i zoh ca’ah Nu kha Tuukhal ah nan i khinh bia a si

Tha tein ruat cang hna u Mit hmai i zoh nak men in Khrihfabu ah cawlcang hlah u ( Pathian bia zei nan rello bak a si Nu nih Pastor rian nan i khinhmi hi )
Credit-Salai Tial Sang LingMangcin.

Leave a Comment