Dr. Aung Myint Thang -A PA NUPI HE A SUALMI HI HRINTHAN CIAMI ASI KO

Ka hawi ttha, Rev. Dr. Amos nih a pa nupi he a sualmi pa hi hrinthanmi minung asi lo a ti caah, hrintthan ciami asi ko nakkha ka von langh ter.

A PA NUPI HE A SUALMI HI HRINTHAN CIAMI ASI KO (1 Kor. 5)

  1. Zumlotu (Pagans) hmanh nih an ngaihthaim lomi sualnak kha nan tuah a ti caah hi pa hi zumtu (hrintthanmi) asi ko ti a fiang. Hrintthan lomi cu zumtu ah chiah an si lo (1 Kor. 5: 1).
  2. Hi pa hi Bawipa Jesuh ni ah a thlarau khamh asi nakhnga a taksa kha Sehtan va pe uh (1 Kor. 5: 5). A thlarau khamh dingmi asi caah a hrintthanmi asi ko ti a fiang tthan. A hrintthan lomi thlarau khamh a um bal lo. A thlarau khamh dingmi minung hna a hrintthan lomi asi a ti ngam mi hi ka khuarauah a har.
  3. Rev. Dr. Amos nihcun cang nga nak asimi, “To deliver such an one unto Satan for the destruction of the flesh, that the spirit may be saved in the day of the Lord Jesus” timi ahhin “may be” timi biafang a hman caah khamh asi lai le si lai lo ai fiang lo ti in a leh. Asinain hika zawn i “may be” timi hi “men lai” tinak asi lo. “Nakhnga” tiah leh ding asi. “May God bless you” tihi Pathain nih thluachuah an peek men lai tiin leh phung zong asi lo.
  1. “Thilnu” (leaven) he hi misual pa hi Paul mnih a tahchunh caah hi pa hi hrintthanmi asi lo a ti tthan (1 Kor. 5: 6,7). Asinain hika zawn ah “thilnu” a timi hi “sualnak” kha a chim duhmi asi. Judahmi hna nih Pentecost puai a tuah ahhin thillnu telhmi changreu an rak hman. Khrihfa lakah sualnak a um peng lai nak ding hmuhsaknak asi.
  2. “Vawlei minung (zumlotu mu) nupa sualnak a tuahmi, hakkaumi, mi rureu le siasal biami hna he i kom hlah uh kan ti hna lo, asinain unau tta/far ka si tiah a ti ttung i (zumtu hrintthanmi mu) nu/pa sualnak a tuahmi, hnahchuah hmangmi, siasal biami, thangchiat hmangmi, zu dingmi le mi rureu cu kom hna hlah uh, rawl hmanh ei tti hlah uh tiah atu nan sin ahhin ca ka von ttial” (1 Kor. 5: 9-11) tiah Paul nih a ti caah hin hi pa hi hrintthan mi minung asi ko ti cu a fiang fawn.
  3. “Khrihfabu leng i a ummi hna kong cu keimah nih ka ceih awk asi hnga maw? Lenglei mi hna CU Pathian nih a ceih te ko hna lai” ( 1 Kor. 5: 12-13) ah a ti i a bia a ceih i Khrihfabu (nan sin) in rak chuah uh a timi nihhin zumtu (hrintthanmi) asinak kha a fian ter fawn. Khrintthan lomi cu Khrihfa ah Paul nih a chia bal hna lo.

Asinain hi Baibal ca chung ahhin hi pa hi hrintthan lomi asinak pakhat hmanh kan hmuh khawhmi a um lo.Credit-Dr. Aung Myint Thang

Leave a Comment

error: Content is protected !!