USDP Ohkathah Nih Kum 2020 Rampi Thimnak ah Ralhrang Nih Uknak a laknak Kong a sining tein nihin ah a phuan dih cang

NLD nih Mee hrawkhrol in a tuah ruangah SAC ralhrang nih uknak an lak mi a si a titu USDP party ohkathah nih a silo nak kong amah tein a phuanthan cang.

A liamcia kum 2020 November thimnak lio ah NLD nih mee hrawkhrol in an fir tiah sual a rak puhtu USDP party hruaitu ohkathah nih kum 2020 thimnak cu USDP party cu kan rak sungh taktak ko tiah an sungnak kong nihin Party thimnak ah fiangphut in an sunghnak taktak kong a chim.

Nihin Naypyidaw ah tuah mi USDP party headquater ah Party chungtel i thimnak an tuah lio hramthawknak biahmaithi a chimnak ah kum 2020 rampi thimnak ahcun NLD nih an kan tei taktak ko tiah a phuan.

Cun SAC ralhrang nih uknak an lak hnu ah SAC ralhrang thawngpang petu pawl riantuan tu pawl zong ka humhim kho hna lo tiah a si ning tak in a phuan.

Nihin USDP party hruaitu i thimnak ah ramkulh le ramthen chung nih an tuah mi pawl fianternak an tuah i central hruaitu pawl thimnak le Party lutlai hruaitu pawl thimnak cu an tuah rih lo i thaizing tu an tuah te lai tiah theih a si.

USDP party Central lutlai hruiatu an zate in an i din dih hna i a thar in an thim hna lai i thaizing kiptu ah an fehter lai tiah theih a si. A tutiang thawngpang a lenning ahcun Party ohkathah caah U Khin Yee le a dang Min Aung Hlaing a kuttang ralhrng hruaitu pawl nih hmunhma an lak dih cia tiah an chim nain fehter khawh a si rih lo.

USDP party ci a liamcia kum 2020 thimnak lio ah Amyotha Hlutdaw le Pyituh hlutdaw pahnih fonh in 43 lawng ah telnak an rak ngah caah NLD nih ceilak in a rak tengh hna caah Min Aung Hlaing Nih mee lih hrawkhrawl in an fir tiah uknak a lak. Nihin ah USDP party Ohkathah nih a sining tein a phuan than.
Source-MeKongNews

Leave a Comment

error: Content is protected !!