Soe Win Nih Min Aung Hlaing A Sining Vialte A Phuan Dih Ko Cang

Ralkap nih phaisa kan ngeih ti lo caah phaisa hmuhnak biatak tein kan i zuam a hau.

Kawlram uknak a latu Min Aung Hlaing a changtu U Seo Win nihcun Kawl ralkap nih phaisa kan ngeih ti lo caah phaisa hmuhnak ding in biatak tein i zuam hna kan hau tiah meeting ah a chim.

Kawlram ah ralkap nih uknak an lak thla 6 hnu ah Kawlram phaisa luhnak a tla tuk. Mipi nih tax an pekmi a zor tuk cang caah vuanci pawl hna nih phaisa kan hmuh khawhnak hnga biatak tein i zuam hna kan hau tiah Seo Win nihcun meeting ah a chim.
Seo Win nihcun a herh tuk lomi thil ah phaisa hmang loin semrel tein phaisa hman ding zong hi meeting a kaimi vuanci pawl cu a ti hna.

Kawlram chung ah ralkap nih uknak an lak in rampi buai hram ai thawk. Ho hmanh riantuan an um ti lo. Campany tampi mei nih a kangh i minung tampi rian loin an um hna.

Ralkap uknak lawng si loin Kawlram ah fak tuk in covid nih a kan den than hoi. Mipi riantuan cu chim lo khualtlawn umkal hmanh a har cang.

Mipi nih an pek tawnmi tax, ti man le meiman pawl ralkap sinah an pe duh ti lo. Chawlehthalnak ramri hrawng vialte hriamtlai nih hmun tampi an van kham cang.

Nitlak lei ram le US ram hna nih Kawlram cu sipuazi lam an hun phih hna. Kawlram ah khualtlawng lutchuak an um ti hna. Kawl ralkap company tampi mipi nih thil an caw duh ti hna lo.

Cu ruang ah Kawl ralkap cu phaisa an ngeih mi a tlawmtuk cang ruang ah riantuan in phaisa lei kong meeting an hun tuahnak hi a si.

An meeting ahcun Seo Win nihcun ralkap nih phaisa kan ngeih mi a tlawm tuk cang caah phaisa kan hmuh khawhnak lam biatak tein kan i zuam a herh tiah a chimnak hi a si.

Ralkap nih phaisa an ngeih ti lo ruang ah Phaisa tampi a thar an ser chap ti zong theih a si. Phaisa thar tampi an ser chap ruang ah Kawlram phaisa man a tla. Ralkap rian he ai pehtlai mi pawl mipi nih an tuan duh hlei lo caah ralkap nih phaisa thar tampi an sermi hi lahkhah ca dah lo ahcun san a tlai lo tluk khi a si.

Ralkap le palik tampi lakkhah an pek khawh hna lo caah an ralkap le palik pawl fir ah an vai. Mi phaisa tamtuk an fir i mi thilri tamtuk an fir. An bawi le nih dantatnak a um lo. Cantha a si an ti piak hna.

An lak ah lahkhah ruang ah buainak a chuak. I kahnak le u thah nawnnak tiang an tong. Kawl ralkap hi phaisa an har chin lengmang lai.

Leave a Comment