SAC ralhrang Khuachung Ah Motor Pahnih In An Lut I Khuami Hriamngan He hme he an kah thluahmah hna

Wetlet peng Yuatakyi khua ah SAC ralhrang pawl motor in an lut i hriamngan he hriam hme he pehzulh in an kap caah khuami minung 10 nak tam hliamhma an tuar tiah theih a si.

Sagaing ramthen Welet peng Yuatakyi khua chungah SAC ralhrang pawl cu motor in an lut i kahnak a um lo nain hriamngan he hriamhme he meithal an kah chih caah khuami minung 10 nak tam an hliamh hna tiah theih a si.

Yuatakyi khua cu Mandalay-Shwebo-Monyua lampi aa tonnak hmun ah a um mi a si i inn 1000 renglo umnak khua a si.

“SAC ralhrang pawl hi Shwebo lei in motor pahnih bak in an lut hna. Khuachung an luh bak ah hriamnam ngan he hriamhme he khuachung cu an kah colh. Khuami pa10 nak tam an hliamh hna. Cheukhat nih pahnih nunnak a liam cang tiah an chim. Khuachung mi poah cu zaam cio a si caah an thih le thih lo ka thei fiang lo. Inn pahnih cu hriamngan nih a tlak caah a tuhi mei nih a kang cuahmah ko” tiah khuami pakhat nih a chim.

Cheukhat chu khualengah an zaam cio hna nain a zaam manh lo mi cheukhat cu khuachungah SAC ralhrang nih an hren ko hna tiah theih a si. SAC ralhranh nih hin nizan ah khan cuka hman khua lamtonnak i electrical dawr pakhat zong ralhrang nih mei an khangh i Aunglandaw Sanseh ngeitu i phaisa ting 300 le Sui 8 kyatthar zong an lak tiah theih a si.Source- Ayerawaddy news

Leave a Comment

error: Content is protected !!