SAC ralhrang Hriamnam Ngan pa12 bak Bangladesh ramchung ah a tlak caah ngakchia pakhat nunnak a liam

SAC ralhrang nih an kap mi htiamnam ngan Bangladesh ramchung ah hriamngan pa 12 a tla i a puak caah Royingya pakhat nunnak a liam i pamga nih hliamtuar tiah theih a si.

Se0tember 16 zan suimilam 8 pm tluk ah khan Myqnmar-Bangladesh ramri hmun Bangladesh lei ah SAC rqlhrang nih an kah mi hriamnam ngan pawl cu p3hzulh in a puak caah Royingya pawl an i dornak hmun pakhat ah a puak caah ngakchia kum 17 pakhat nunnak a liam i a dang minung pa5 cu fakngai in hliamhma an pu tiah Bangladesh cozah nih an thanh.

Cuka hmun Bangladesh ram- Myanmar ramri SAC ralhrang nuh hriamnam ngan a kahnak hmun ah cun Royingya pawl a tlawmbik 4000 tluk an i dornak a si tiah theih a si. SAC ralhrang nih kah mi hriamnam ngan hi hmun 5 ah a tla i kuan 12 a puak tiah Royingya hruaitu pakhat nih a chim.

Nai hrawng in Rakhine ralkap AA nih biatak tein SAC rqlhrang oawl cu a hung phomh cang hna tik ah Ralhrang tamtuk an thah cang hna i an sakhan le an hriambam tamtuk an chuh hna ruangah SAC ralhrang cu aipuang in civil mi le hriamtlai thleidan lo in hriamnam ngan cu kah thloh in an kah ruangah mipi pawl nih an tuar ngaingai cang. A bik in Myanmar-Bagladesh ramri pawngkam ah a um mi SAC ralhrang pawl cu Rakhine ralkap AA le ARSU( Royingya) hriamtlai he i bawmh in an phomh peng hna caah ralhrang hi vava an tum cang.

SAC ralhrang nih hriamnam ngan an kah i a puak mi pawl hi kanmah kah mi a si lo Rakhine ralkap le ARSU kahmina si tiah lih hrawkhrol in an thanh. MmRakhine ramchungah SAC ralhrang le Arakan Army – AA) karlak i kah dohnak ah hin Royingya miphun pawl an temtuar ngai ti a si.Source: Reuters, AA, KM, MAL

Leave a Comment

error: Content is protected !!