Ralhrang Uico Nih Khanghpiak Mi Khuami Inn Mipi Ralkap Nih An Sakpiak Cuahmah Hna Lio

Gankaw peng chungah SAC ralhrang pawl mei khangh in an hrawh piak mi hna khuami inn pawl cu mipi ralkap PDF pawl nih an sakpiak than hna tiah theih a si.

Magwe ramthen Gankaw peng SAC ralhrang pawl nih mei in an khangh piak mi hna khuami inn pawl cu mipi ralkap PDF pawl nih an sakpiak than hna.

Inn umnak a ngei ti lo mi khuami hna pawl cu umnak men an ngeih khawh nak hna ding caah an sak piak hna. Mipi ralkap PDF pawl nih an bawmh hna dih hna tiah NUG cozah i runvennak vunci zung Western Regional Military Headquarters pasaltha pakhat nih a chim.

A tulio hi Gankaw peng chung ahcun SAC ralhrang pawl an cawlcangh hna lo. Cucaah mipi pawl le PDF pawl hna nih kanmah le i si khawh tawk cio in kan bawmh hna tiah a chim fawn. SAC ralhrang pawl hna nih hin mipi ralkap PDF pawl an thazaang thawnnak hmunhma Magwe le Sagaing chung khuami cheukhat hna cu an khua ning piin mei in an duah hna.

SAC ralhrang nih uknak a lak hnu kum khatble thla 6 chungah mipi inn 2000 renglo mei in an khangh cang tiah Datat for Myanmar nih cathanh an chuah.Source-People’sSpring

Leave a Comment

error: Content is protected !!