Ralhrang Ralram Ah Kalmi Nupi Poh An Bawi Le Nih An Rak Sualpi Tawn Hna

A tu ahcun Kawl ralkap pawl hi ralram an kal tik ah siseh khual an tlawn tik ah phone an ken ter ti hna lo. Cu ruang ah an nupi le he pehtlaihnak an tuah kho ti lo. An nupi le an i pehtlai kho ti lo. Ralram ah na pasal a thi cang tiin an hlen hna i an bawi le nihcun an nupi le cu an rak helh hna i an chuh an sualpi lengmang hna ti a si.

Kawl ralhrang pawl nupi le kong ah an buai tuk cang. Min Aung Hlaing te nih sakhan kip ah ralrinnak caah an pek cang hna.

Cu ruang ah mahhi thawngpang cu Nay Pyi Taw i Min Aung Hlaing te pawl sin tiang ah report a um cang caah cung lei nih ralrin peknak ca an hun chauhnak cu a si.

Mah bantuk in Kawl ralhrang an um hi an thinlung ruahnak a hman khawh ti lo caah a si. Raltuk a tamtuk i a thimi an tamtuk cang ruang ah an thinlung ruahnak kha a puitling kho ti lo caah hi bantuk nu tlaihhrem nak a tam hi a si tiah an chim.

Kawl ralhrang nihhin Chin miphun a simi nu zong an tlaihhrem cang hna. Tedim peng ah nu pahnih an tlaihhrem cang hna. Cun, Sagaing ramthen zong ah nu an tlaihhrem len cang hna.

A tu cu an mah chung lila in ralkap nupi pawl kha a dang ralkap nih an va le um lo kar ah an rak sualpi an rak tlaihhrem lengmang hna ti a si. Anmah chung in nu ruang ah an buai tuk cang.

Hi bantuk lungput le ruahnak lak ah Laimi nih kan bochan mi Pu Ngun Cung Lian hna cu ruahnak petu a van tuan cuh. Pu Ngun San Aung hna cu Chief Minister a va tuan tlawmpal ah Min Aung Hlaing nih a rian in a phuah hawi. Tlawmpal ah Tidim pa nih a hun tuan than ai. Kan lo ton lo eh.

Leave a Comment

error: Content is protected !!