Nyaungphyu Pin Sakhan MRDA Nih Nihin Chun Hnu An Kah Nak Thawngpang Tha

Sakhan hmai tiang motor in an kal hnawh hna i Sakhan an kah ciaman cu SAC ralhrang uico minung paruk an thah hna lengah Sakhanhmu a hliamhma a fak caah sizung a phan tiah theih a si.

Sagaing ramthen Monyua peng Ngungphyupin SAC ralhrang hmai tiang mipi ralkap PDF nih motor in an kal hnawh hna i sakhan an kah. sAC ralhrang lei minung 6 an thah khawh hna i Sakhanhmu fakngai in hliam a tuar caah sizung a phan tiah MRDA nih an thanh.

Nihin August 21 chunhnu suimilam 12 pm tluk ah SAC ralhrang sakhan cu MRDA mipi ralkap nih motor in sakhan hmai tiang an kal hnawh hna.An i ruahlo tuk ah an kah ciaman hna i ceilak an thah hna.SAC ralhrang lei nih minung thazaang a rak chap ruangah hnu kan i thawn than tiah thawng an thanh.

Naihniam taktak in an kah hna caah SAC ralhrang hi 6 an kah thah colh hna. An kah mi thawngpang a than caah SAC ralhrang nih ralhrang minung20 tluk thazaang a chap hna caah hnu an kir than colh tiah khuami pakhat nih a chim.MRDA pasaltha pahnih hliamhma an pu ve tiah theih a si.

Cukahmun sakhan hmu cu fakngai in hliamhma a pu caah sizung ah an thlopbul lio a si.Nihin Ngaungphyupin sakhan a kahtu hna hi MRDA Salingyi le Aung San Force i fonh phu nih an kah mi a si tiah Khitthitmedia nih an tial.

Leave a Comment