Nikhat Chung te Ah SAC Ralhrang 50 Rwnglo Mipi Ralkap Sin Ah An i Fonh

Nikhat chung te lawngah SAC ralhrang uico pawl 50 leng mipi ralkap sin ah an i ap i a nung in Bohmu pakhat an tlaih.

SAC ralhrang uknak latu pawl lutlai rank sang telh in minung 50 rwnglo cu mipi ralkap sin ah an i ap i Bohmu pakhat cu a nung in an tlaih tiah tualchung thawngzamh ca pawl nih an langhter.

Rakhine ramkulh hrambunh SAC ralhrang tatyin chung in Ralhrang 38 hna cu Rakhine ralkap AA sin ah an i fonh. An hriamnam meithal he AA sin ah an i ap hna tiah tualchung thawngzamh ca pawl nih an tial.

Zeiruang ah dah hitluk in an mipi ralkap sin ah an i ap tiah an hal hna tik ah a tutan ralkahnak ah kan thih lo hmanh ah a voidang ah kan thi thiamthiam ko lai a ruang cu cunglei ralbawi pawl nih ralbawm an kan kuatchap ti lo caah a thi ding si nak cun caantha kan ngeih lio ah nungdam tein i ap a tha deuh tiah biachah kan tuah mi a si tiah an chim.

Cu vebantuk in Yephyu peng Ganpauk hmunhma hrambunh Mawhrahwaddy SAC ralhrang headquater bokyi pakhat telh in ralhrang 12 an hriamnam meithal he an zaam ve tiah theih a si. Vun Kayin ramkulh Saihkyi peng chungah SAC ralhrang Bokyi pakhat cu a hriamnam meithal he KNLA le PDF fonh nih a nung bu in an tlaih.

Leave a Comment

error: Content is protected !!