Nihnih Chung SAC Ralhrang Uico Pawl An Kah Hna I A Thimi Kong KNLA Nih Cathanh An chuah

KNU tatmaha 5 hmunhma chungah SAC ralhrang pawl cu nihinh chung pehzulh in KNU pasaltha pawl nih an kah hna caah SAC ralhrang a tlawmbik minung 4 nak tam an thi tiah KNU nih thanh.

Kayin ramkulh KNU tatmaha 5 nih humhaknak hmunhma chungah SAC ralhrang pawl cu nihin chungbak KNU pawl nih an kah hna caah ralhrang a thimi tlawmbik mimung 4 an si tiah KNU tatmaha 5 nih an thanh.

September 22 ah SAC ralhrang Laytoe hrambunh Sakhan cu an va luhhnawh hna i an kah hna caah ralhrang pakhat a thi tiah theih a si.

Culawng si lo in September 21 zongah SAC ralhrang helicopter pahnih in Ralhrang an hawi le Mewaing sakhan ah thilril an chanh hna lio ah an kah i thiltom pakhat an thlak. An thlak mi thiltom cu SAC ralhrang pawl nih char ding in sakhan i an chuah lio ah KNLA nih an kah hna caah pakhat an kah that.

Cun Pharpun khuapi he aa naihnak hmun Htumawde khua hlei he aa naihnak hmun ah SAC ralhrang hmunkhuar mi hna cu a thilthup in KNLA nih an luhhnawh hna i an kah hna caah ralhrang a tla2mbik 2 an tbi i minung 3 nih fakpi in hliamhma an pu tiah an cathanh ah an langhter. Ref.achileikNewsAgency

Leave a Comment

error: Content is protected !!