Nihin Kalay- Tamu Lampi Cung SAC ralhrang Nih Khuami Inn an khangh mi Hna

Kalay- Tamu lamthluan pi kam khuami inn 9 SAC ralhrang nih mei an duah hna tiah theih a si.

Sagaing ramthen Tamu peng Kalay – Tamu lampi kam i khuate pathum hna inn 9 ning in SAC ralhrang nih mei an khangh dih hna tiah theih a si.

Nihin i SAC ralhrang hna nih khuami inn an khangh mi hna hi Yanlyinphaing khua inn 4, Natmuanthar khua inn 3 le Khawmuanusm khua inn 2 a zate fonh in inn 9 an khangh tiah Khonumthung thawngzamh ca nih a tial.

Khuami inn a khanghtu SAC ralhrang hna cu Tamu lei ah pehzulh in an lan hna i lampi ah PDF Tamu nih bomb in an puah hna caah ralhrang a thimi an um len kho tiah tiah asi.

SAC ralhrang pawl hna nih hin a hlan deuh ah Yanlinphaing khuate mipi inn cu mei in an rak khangh lawng si ko in tualchung mi zong an rak tlaih hna an rak thah bal cang hna. Tutan SAC ralhrang nih mei in an khangh mi khuate pathum hna i khuami hna hi ralhrang khuachung an luhhlan ah ramlak ah an zaam chung cang hna tiah theih asi.

Leave a Comment