Nihin Chun Nitlak Te I Kahnak A Faktuk, SAC Ceilak An Thi

Moebay kahnak ah kaphnih a thimi an um lai tiah zumh a si. Moebay khuapi Lweyin amingala khua tlangcung ah hmunkhuar mi SAC ralhrang le mipi ralkap tangti phu hna cu nihin chun nitlak te bak i kahnak a zualhma caah kaphnih a thimi kan um len tiah MBPDF lei nih nihin ah cathanh an chuah.

Nihin Chun Nitlak Te I Kahnak A Faktuk, SAC Ceilak An Thi

Mipi rqlkap lei tangti phu hna hi MBPDF 1001၊ MBPDF 1007၊ Phekhung PDF B-01၊ Loikaw PDF၊ DMO 1102 tatyin၊ Naypyidaw PDF၊ KNDF၊ KA၊ KGZ၊ URF hna an si. Nihin chun nitlak bak te i kahnak a chuak.

Nihin zingka suimilam 3AM cheu tluk in aa thawk i zanlei suimilam 6AM tluk tiang chun nitlsk te an i kap hna. Mipi ralkap lei nih raltha tak in an dirh awmh hna caah SAC ralhrang lei a thimi an tampi lai . Cun hliamtuar zong tampi an um lai tiah cathanh ah an langhter.

Mipi ralkap lei in pasaltha pahnih hna nih nunnak an pek i a dang minung pa7 nih hliamhma an pu ve. Pa4 hi an hliamhma phan awk a um lo i pathum hi an hma a fak tiah an thanh chih. Moebay khuapi ah hin SAC ralhrang le mipi ralkap PDF hi pehzulh in i kahnak a chuah lengmang caah hinak in i kahnak a zualhma kho tiah MB PDF nih an thanh. Source-People’sSpring

Leave a Comment

error: Content is protected !!