Myanmar Ram Kong Zeibantuk Dah An ceih theih na duh maw?

Myanmar ram mi pawl bawmh awk an thatlo nak a ruang bik cu Russia le Taluk ram hna ruangah a si.

Russia le Tuluk ram hna pawl nih hin SAC ralhrang mipi uknak chuttu cu a lungthawnnak ding in an dirkamh an bawmh ruang ah Myanmar ram mi mipi pawl hi thathi in kan bawmh khawh hna lo ruangah a si tiah Malaysia Ram Parlimant Palai le Nuhrun covo parlimant phu Ohkathah nih an chim.

American ram Newyork khuapi ah tuah mi September 19 ah Malaysia ramleng vunci hruainak in Myanmar ram kong press conference tuahnak ah a tubantuk in an chim hi a si. Culawng si lo in Russia le Tuluk lawng si lo in Myanmar ram kongkau ah daithlang mi UN ruamg zongah a si tiah an chim fawn.

Curuangah Myanmar democracu ngah than nak ding caah vawleicung ramkip nih hin chimnak lawng in si lo in tuahsernak in Myanmar ram mi kan si khawh chung in bawmh a herh tiah an chim.

Cun Malaysia ramleng vunci nih cun ” Myanmar ram kong hi acralai mi November thla i Asean tonnak hi hngak hau ti lo in a tu ah a phi kan kawl awk a di ko cang. Asean chungtel pawl ramkip vialte zong nih Malaysia bantuk in Myanmar mipi lei aiawhtu NUG/ NUCC/ CRPH pawl hi fekfun ngai in i pehtlaih awk a herh” tiah a chim.

Tutan Press Conference tuah hlan ah hin Malaysia ramleng vunci , CRPH ohkathah Aung Kyi Ngwent, NUG vunci Aung Myo Min, U Htin Lyin Aung, Moe Zaw Oo , Myanmar ram UN Palai U Kyaw Moe Htun pawl ton biaruahnak an ngei hmasa tiah theih a si.

Leave a Comment