Ming Aung Hlaing: Mipi Duhmi Party Kip Thimnak Le Uknak Lei Ah Kan Kal Cuahmah Ko

Min Aung Hlaing nih mipi duh mi party kip thimnak le uknak tuah ding in kar kan hlang cuahmah ko tiah a chim.

Nizan nai ah kawl ralhrang luban pawl meeting an tuahnak ah Min Aung Hlaing nih bia phundang ngai in a hun chim.

Kawlram mipi nih an duhmi party kip thimnak le uknak lei ah kar hlang ding in timhtuahnak kan ngei cuahmah. Kar kan hlang cuahmah ko tiah a chim.

Kum 2020 November 8 thimnak ah khan mee a dik lomi a tamtuk. Cu he ai pehtlai mi poh cu upadi he ai tlak ning in dantatnak kan pek hna.

Upadi he ai tlak ning in mipi duh mi party kip thimnak le uk lei ah kar kan hlang cuahmah ko. A kar lak ah NUG le CRPH tang um PDF hna nih ralkap meithal in an kah hna, ralkap lei tang tiin mipi kha tampi an thah hna i mahhi fak piin kan doh mi a si tiah Min Aung Hlaing nihcun a chimchap.

Min Aung Hlaing nih uknak a laknak a ruang ah thimnak a dik lo timi ruang ah uknak a lak hi a si.

Sinain Kawlram thimnak an tuah hlan ah khan Min Aung Hlaing cu Kawlram President si ding ah NLD sinah a rak hal cang ti a si. Sinain NLD nih an rak duh lo.

President Win Myint zong na rian hi i phuak ko. Na ngandamnak a tha lo hih tiah ralkap bawi pical nih an rak ti nain President Win Myint nih a rak duh lo.

Kawl ralkap nih uknak an lak hlan thimnak lai hrawng ah khan palik sakhan tampi ah ralkap an chiah hna. Uknak lak ding in timhtuahnak an rak ngei diam cang ko tiah ralkap chung a zammi hna nih an chim.

Kawlram cu kum 1962 in ralkap uknak tang ah kan um. Kum 2010 in President Thein Sein nih Democracy in a van kan hruai i USDP nih an kan uk. Kum 2015 in NLD nih zakhat chung ah 75 democracy in a van kan uk. Kan i ning ngai cang kan ti lio ah Min Aung Hlaing nih uknak a hun lak than. Zei tik tiang dek ralkap uknak tang ah kan um rih lai.

Leave a Comment

error: Content is protected !!