Min Aung Hlaing Nih A Thluak Thar A Hun Chuah Than Cang

Min Aung Hlaing nih a thluak a chuah than cang ko hih. Mah tin Min Aung Hlaing nih a tuah mi hi PDF a tih tuk cang hna ruang ah a si.

Yangon le Mnadalay khuapi ahcun Kawl ralkap nih Motor in tlang an au cang. Khua chung ah an vak i thlang an ua cang.

PDF hriamtlai hna rak i up cang uh. Nan i up lo ahcun nan hram in kan in bongh dih hna lai. NLD party nih mee an fir i mifir party an si tiah tiah an au.

Cu pinah PDF Yangon le Mandalay khuapi kip ah Kawl ralkap nihcun ca in an tar hna ti a si. NUG a cohlan i NUG tangah PDF hna cawlcanghnak kan sinah report a pe khomi poh cu laksawng pek nan si lai ti zong an ti rih

Nay Pyi Taw ah Kawl ralkap bawi pawl meeting ah Min Aung Hlaing nihcun ” mipi hna nih democracy le daihnak nan duh taktak ahcun Tlangcung miphun hriamtlai hna nih nan meithal nan chiah awk a si” tiah a chim.

Kawlram khuapi Yangon le Mandalay ah PDF tampi an lut cang. NUG zong nih raltuknak thawng a thanh dengmang cang caah mipi ralring tein um ding in a fial a thanh cang hna.

Khuapi ah PDF tampi an luh cang caah Min Aung Hlaing le a ralkap pawl hna cu an thin a phang chin lengmang cang. Um awk an thiam ti lo.

Cu ruang ahcun a tu bantuk in khuapi chung ah i chok in PDF hriamtlai hna kan sinah rak i up uh. Nan i up lo ahcun kan in kah dih hna lai tiah ca an tar i tlang an au nak hi a si.

PDF le Tlangcung miphun hriamtlai hna nih zeitik hmanh ah an meithal an chia lai lo i an i up fawn lai lo caah Kawlram hi can sau pi a buai te ko lai hih.

Leave a Comment