Min Aung Hlaing Nih A Kuttang Ralbawi Pakhat Voithum A Bengh

Myanmar ram hramhram in uknak a latu Min Aung Hlaing nih a kuttang ralhrang ngan pakhat a simi cu a hro i voithum a bengh tiah theih a si.

A bengh mi ralbawi hi Kawl ralkap lak ah a bawibik pathumnak a si tiah an chim. A benghnak a ruang cu ralkap pawl na thit hruai ning hna, ral a tuk ter ning hna le khuakhan lairelnak na tuah mi ah na chanbau tuk a ti ruang ah a bengh tiah theih a si.

An mah ralkap bawi ngan chung in NUG he pehtlaimi le a thli in media pawl he ai pehtlai mi hna nih mahhi thawngpang hi an chimmi a si.

Min Aung Hlaing hi ral a tuknak ah a sung tuk cang. Nikhat ah a ralkap hi a za leng peng an thi i tampi hliam an tuar zungzal caah a kut tang ralbawi pawl cung ah a lungtling kho ti lo.

A kut tang ralbawi pawl zong hi a tuletu in an rian a thial hna i a chawh leh ter cang hna. A sivang ko cang ti a si.

A kuttang ralbawi pawl zong hi a zum kho ti lo hna. Cu ruang ah kan hnu ah khan Nay Pyi Taw tanhmu caah a mah tu pa bak a chiah cang ti a si.

Nikhat hnu nikhat in sungh lei a panh chin lengmang ko cang. A sual deuhdeuh a sung deuhdeuh thluahmah ko cang hih. Vawlei cung ram tampi nih an hun hlawt deuhdeuh cang. Mi fanau pa a thin lawng a hung ve ko cang hih.Credit- Thechinstar

Leave a Comment

error: Content is protected !!