Min Aung Hlaing: Nay Pyi Taw cu vawlei cung khua nuam bik le khua dawh bik ah ka ser lai

Min Aung Hlaing: Nay Pyi Taw cu vawlei cung khua nuam bik le khua dawh bik ah ka ser lai.

Min Aung Hlaing nih Kawlram ralkap bawi lu bik a rak tuan hram thawk tein khan tinhmi chun mang a ngei ti a si. Cu ai tinh mi le a chunmang cu Nay Pyi Taw khuapi khi dawh taktak in ser i Nay Pyi Taw khuapi chung ah hnangam taktak in minta bantuk in tlawnlen kha ai tinhmi a rak si.

Kawl ralkap bawi hlun vialte le ralkap an mah he ai pehtlaimi poh him tein Nay Pyi Taw khuapi chung ah nuam taktak in tlonlen le Nay Pyi Taw um mipi hna cu an mah nawlngeihnak tang ah um kha ai tinhmi a rak si.

Kawlram hi ram pakhat nih maw, ramchung hriamtlai nih maw an lak dih sual zong ah Nay Pyi Taw khuapi cu a tongh in tongh khawh lo ding phun in tuah le tamh kha ai tinhmi a rak si.

Kan hnu meeting ah Min Aung Hlaing a riantuan hawi pawl a chimh hna. Nay Pyi Taw khuapi ahhin vawlei tang Tlanglong lam le Electrict hman mi Bus hna kan kalter lai kan tuah lai tiah a chimh hna.

Kawlram hi ram pakhat nih maw, ramchung hriamtlai nih maw an lak dih sual zong ah Nay Pyi Taw khuapi cu a tongh in tongh khawh lo ding phun in tuah le tamh kha ai tinhmi a rak si.

Kan hnu meeting ah Min Aung Hlaing a riantuan hawi pawl a chimh hna. Nay Pyi Taw khuapi ahhin vawlei tang Tlanglong lam le Electrict hman mi Bus hna kan kalter lai kan tuah lai tiah a chimh hna.

A pu Than Shwe nih kum 2006 ah khan Yangon khuapi ah a ummi cozah zung vialte cu a thli in Nay Pyi Taw ah a rak thial dih hna. Kum 2000 hnu in Pu Than Shwe nih Nay Pyi Taw khuapi cu biatak tein sersiam hram a rak thawk i Nay Pyi Taw khuapi caah US dollar 4 billion reng lo a hman ti a rak si.

Cu phaisa cu zeitindah an hman timi le khoika phaisa dah an hman timi zong pakhat langhter a um lo. An mah duh poh in Kawlram chung phaisa kha a rak hman ko ti a si.

Nay Pyi Taw khuapi ahhin minung 2 million hrawng an um te lai i vawlei cung ah ai dawh bik le vawlei cung mipi nih phak an duhnak bik, sipuazi khuapi zong a si te lai tiah Pu Than Shwe nihcun a rak tuak.

A sinain nihin tiang ah Nay Pyi Taw khuapi ah a ummi hi minung ting 10 hmanh an tling lo ti a si. Ramdang tanzung pawl zong nih Nay Pyi Taw ah an um duh lo. Kawlram minthang pawl zong Nay Pyi Taw ah an um duh lo. Nay Pyi Taw khuapi highway cu a cancan tete lawng ah Motor an kal ti a si.

Pu Than Shwe rian van peh ding in Min Aung Hlaing nih chunmang a van ngei ve hoi cang. Pu Than Shwe bantuk in Min Aung Hlaing nih khoika phaisa dah a si ti theih lomi in Nay Pyi Taw cu a hun sersiam than ve cang lai. Phaisa zeizat remruam dah a dih ve te hoi lai.

An chim ning ahcun Nay Pyi Taw in Tuluk ram tiang Motor a kal khomi vawlei tang lam zong Kawl ralkap nih an ngei ti a si.

Kawlram pi cu midang kut ah a um hmanh ah Nay Pyi Taw khuapi cu an mah ralkap uknak tang ah um peng kha an rak i timh mi a si. Ralkap bawi hlun pawl an umnak le an i dornak khuapi a si.Credit-Thestar

Leave a Comment