Min Aung Hlaing: Kum 5 chung ah Kawlram cu Asean siangpahrang ah ka ser lai.

Min Aung Hlaing cu mipi lungthawhnak deuh tal a si hnga maw tiah Kawlram kong ah a chunmang le saduhthah tampi a hun chim len cang hna.

Min Aung Hlaing: Kum 5 chung ah Kawlram cu Asean siangpahrang ah ka ser lai.

Kan hnu Kachin ramkulh le Shan ramkulh a va tlawn zong ah khan Kawlram sersiamnak ding kong ah tampi a chim ti a si.

Kan hnu Nay Pyi Taw meeting ah khan Min Aung Hlaing nihcun kum 5 chung ah Kawlram cu Asean siangpahrang ah kan ser lai tiah a chim ti a si.

Min Aung Hlaing nih a chim ning te ahcun ” Kawlram cu lei tang thil chuah le lei cung thilchuah in a rummi kan si. Biatak tein kan i zuam a si ahcun Asean siangpahrang ah kan i chuah lai. Asean ram ah a rum bik pawl kan si lai” tiah a chim.

A tulio Kawlram sipuazi a tla tukmi zong hi tu hnu thla 6 chung ah ka sersiam khawh lai, Kawlram sipuazi cu ka tunmer khawh dih ko lai ti zong a chim chap.

Nay Pyi Taw khuapi chung ah vawlei tang Tlanglong lam le electrict hmanmi Bus hna kan hman cang lai tiah Min Aung Hlaing nihcun a chim zungzalmi a si. Tu hnu kum tlawmpal ahcun Singapore kan tluk lai ti zong a chim tawn.

Banhla tampi in cing uh. Banhla cu a phunphun in ei khawh a si. A ci a duh mi nan um ahcun kan in pek hna lai. Banhla kan cin lai i kan rum lai ti zong Min Aung Hliang nihcun voi tampi a chim cang.

Kawlram ah ralkap nih uknak an lakmi ruang ah Kawlram cu buainak in a khat i Kawlram mipi riantuan lo an tamtuk cang. Kawlram sipuazi tamtuk a rawk cang caah mipi harsa ngai in an um hna.

Kawl ralkap zong nih phaisa hman awk an i deih ti lo caah Phaisa thar tampi an pring i Kawlram phaisa man vialte zong a hung tum ngaingai cang.

Leave a Comment

error: Content is protected !!