KNLA nih SAC ralhrang Sakhan Pathum An Lak, SAC ceilak an thah hna i Hriamnam an lak Dih

Shweyin le Kyautkyi karlak i SAC ralhrang sakhan pathum mipi ralkap nih an kah hna caah ralhrang lei minung 11 an thah khawh hna i htiamnam tam taktak te an lak piak hna.

Pego ramthen Shweyin le Kyatkyi karlak ah a um mi SAC ralhrang sakhan pathum hna cu mipi ralkap KNU nih an luhhnawh hna i an kah hna caah ralhrang ceilak an thah khawh hna.

KNU tatmaha 3 hmunhma Ngaunglaypin KNLA tatyin 7 le tatyin 9 i fonh in tatyin hmunhma 7 ah a um mi SAC ralhrang sakhan hna cu an luhhnawh hna i an kah caah ralhrang ceilak an thah hna lengah hriamnam tm taktak an chuh khawh hna.

November 12 zingka suimilam 4am tluk in an luhhnawh hna i an kah hna i zingka suimilam 11.30am tluk ah SAC ralhrang sakhan cu an hrawk dih khawh hna ah hnu an i thawn than kho hna tiah theih a si. Mah sakhan pathum kahnak ah hin SAC ralhrang lei minung 11 an thah khawh hna. An hriamnam hi tamlak te an lakpiak khawh hna tiah theih a si.

Leave a Comment

error: Content is protected !!