KNLA nih SAC ralhrang Nizan Ah An Kah Thah Mi Hna an Thanh

KNU tatmaha 5 hmunhma chungah KNLA nih an va kah hna i ralhrang hico pakhat an thah khawh i pahnih hliamhma an tuar tiah theih a si.

KNU tatmaha 5 hmunhma Mutaw pengkomh chung luh in hmunhma a khuar tu SAC ralhrang hna sakhan pahnih hna cu KNLA nih an va kah hna i SAC ralhrang pakhat a thi i a dang pahnih hliam an tuar tiah Mutaw thawngzamhca nih an tar langh.

September 28 zingka ah SAC ralhrang Khawpoah sakhan cu an va kah i pakhat an thah khawh i a dang pakhat hliamtuar. Vun zanlei suimilam 6pm tluk ah an va kah than hna i SAC ralhrang pawl a thilo mi an um len kho fiang in kan thei rih lo tiah an langhter.

Cun September 30 zingka suimilam 10am tluk ah Ngiahtacho ralhrang sakhan cu an va kah than hna i ralhrang pakhat an kah thah than tiah theih a si.

Cun SAC ralhrang kuttang BGF tatyin 1013 tatyinhmu Bo Hlah Kyaing nih a hruaimi phu cu Khawwathah khua ah hriamngan voithum an kah caah khuami inn pakhat a rawk.

SAC ralhrang phu hna nihcun Kawthulay humhaknak hmun KNU tatmaha 5 chungah ral lam fakdeuh in an sial lawng si lo in minung covo faktuk in an buar ruangah KNLA he ni fatin ngawt in i kahnak a chuak tiah theih a si.TachileihNews

Leave a Comment

error: Content is protected !!