KIA Nih Phakanh Ah SAC Ralhrang Bomb In Tamlak An Nawn Hna

Phakan ah SAC rahrang pawl bomb in an puah hna caah minung 13 nak tam an thah khawh hna.

Kachin ralkap KIA nih SAC ralhrang cu Phakan ah bomb in an puah hnawh hna i minung 13 nak tam an thah hna. Vanchiatnak ah mi sawhsawh pakhat hliam a tuar tiah theih a si.

SAac rqlhrang hi milu 100 tluk an si lai tiah an zumh. Phakanh p3ng Wayazut khua in Naungmi khualei an kal lio lampi ah KIA nih bomb in an puah hnawh hna hi a si. SAac ralhrang nih Naungmi khua mi pakhat cu an hmuh i an tlaih i lam hmuhsak tu phun in an i kalpi caah cu pa cu hliamhma a pu tiah theih a si.

“Tutan SAC ralhrang bomb puahhnawh mi hna chung ah hliamtuar zong pa10 cun an um hna. Cuchung ah minung 7 cu fakngai in an i khawng” tiah KIA tatyin 14 chungtel pakhat nih a chim.

Tutan SAC ralhrang bomb an puah hnawh hna nak Phakanh p3ng Naungmi khu cu kum 2014 milurelnak cazin ning ah chungkhar 1700 an um i milu in 12000 hrawng an umnak khua a si.

Leave a Comment