CDM a tuah Duhlo mi zung rian tuantu pawl hnubik NUG nih ralrin pek, A zul lo mi cu tlaih i thongthlak ding

CDM a tuah duhlo mi Non CDM pawl cu tlaih an si cang lai tiah theih a si. SAC ralhrang kuttang ah riantuan tu Non CDM pawl cu CDM tuah dingah hnubik ralrin peknak cathanh NUG nih a thanh. Na zulh lo a si ahcun tlai na si cang lai tiah an langhter.

SAC ralhrang nih uknak lak hnu ah nihin tiang CDM tuah duhlo in SAC ralhrang kuttang ah riantuantu zungkip i rank sang pawl cu CDM tuah dingah NUG nih hnubik ralrin peknak tuah si cang tiah RFA nizan ah an chim.

NUG nih hnubik ralrin peknak a zul lo mi cu tlaihnak nawl chuah a si lai i thongthlak nak ding caah le biaceihnak ding timhtuahnak ngeihcia dih a si cang tiah NUG, Home Affairs and Immigration vunci nih a chim.

NUG cozah nih hin biaceihnak ding caah peng 10 ah biaceihtu pawl phu pawl an form cang hna tiah theih a si. NUG can karlak president Duwasila nih NUG kumkhat tlunnak ah Myanmar ram chung peng 330 chungah 250 leng peng cu mipi runvengtu PDF phu dirh a si cang i hmun tampi kan humhak khawh cang tiah september 7 ah a chim. Cucaah SAC ralhrang ah rian a tuah rih i CDM a tuah duhlo mi non CDM pawl cu tlaihnak nawl kan chuah cang lai tiah an thanh.Ref-RFA

Leave a Comment

error: Content is protected !!