SAC Ralhrang Nih Private Sianginn I CDM A Tuan Mi Pawl Check An Timh Hna

Private sianginn pawl ah CDM saya, Sayamah an tuan le tuan lo SAC ralhrang nih hlathlainak kan tuah lai tiah an thanh.

Myanmar chung Private sianginn CDM sayamah/saya pawl an tuan le tuan lo SAC ralhrang nih a ra laimi hmaizarh ah hlathlainak kan tuah lai tiah theih a si.

Mah Private sianginn pawl hlathlainak tuahnak cu peng fimcawnnak zung nih a hraui lai i hlathlainak an tuah lai. An hmuhchuah mi cazin oawl cu SAC ralhrang sin ah an ap than lai tiah theih a si.

A voikhat nak ah CDM an um le um lo an check lai.a voihnihnak ah an cawn ningcang system an check lai. Nain a voihnihnak cu zeitik ah an check te lai timi cu theih a si rih lo. A biapi bik in CDM pawl hrem an duh hna caah a si lai tiah private sianginn cachim sayamah pakhat nih a chim.

Mah thawngpang a chuah hnu ah Private sianginn lawl i riantuantu CDM pawl chuah an tong tiah theih a si. Rian chuah kan ton ahcun thla 3 ca lahkhah nan kan pek chap lai tiah hnatlaknak tuah a si ko nain rian chuah a tong mi CDM pawl cu thlakhat ca lawng an pek hna tiah theih a si.Ref–TachileikNewsAgency

Leave a Comment

error: Content is protected !!